Kłodzko
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Localización | |||||
---|---|---|---|---|---|
| |||||
Estado | Polonia | ||||
Voivodatos | Baixa Silesia | ||||
Powiat | Condado de Kłodzko (pt) ![]() ![]() | ||||
Capital de | |||||
Poboación | |||||
Poboación | 25.717 (2021) ![]() | ||||
Xeografía | |||||
Superficie | 25 km² ![]() | ||||
Datos históricos | |||||
Evento clave
| |||||
Identificador descritivo | |||||
Código postal | 57-300 ![]() | ||||
Fuso horario | |||||
Outro | |||||
Irmandado con | |||||
Páxina web | klodzko.pl ![]() |
Kłodzko (en alemán:Glatz) é unha cidade de Polonia, no voivodato de Baixa Silesia. Kłodzko foi a capital do condado de Kłodzko, e desde 1975 a 1998 formou parte do antigo voivodato de Wałbrzych. Con 28 148 habitantes (2007), Kłodzko é o principal centro comercial, así como un importante nó de comunicacións e centro turístico da zona. Polos seus monumentos históricos denomínase ás veces como a "Pequena Praga" (en polaco, Mała Praga; en alemán, Klein-Praga). Cultural e tradicionalmente bohemia, administrativamente foi unha parte da Silesia prusiana desde 1763, e de Alemaña até 1945.
Xeografía
[editar | editar a fonte]Kłodzko está situada ao suroeste de Polonia, nun val dos Sudetes, bañada polo río Nysa Kłodzka, afluente do Oder. Esténdese por unha superficie de 24,84 km². Segundo o censo de 2007 tiña 28 148 habitantes, o que fai unha densidade de poboación de 1 133 hab/km². A cidade é un importante nó de estradas rexional.
![](http://upload.wikimedia.org/wikipedia/commons/thumb/c/ca/2014_Stare_miasto_w_K%C5%82odzku%2C_panorama%2C_02.jpg/800px-2014_Stare_miasto_w_K%C5%82odzku%2C_panorama%2C_02.jpg)
Historia
[editar | editar a fonte]Idade media
[editar | editar a fonte]Kłodzko é unha das máis antigas cidades da Baixa Silesia. O cóengo checo Kosmas menciónaa xa na súa crónica en 981.
Desde principios do século XII, Polonia e Bohemia disputan a vila. En 1114, o duque bohemio Sobieslao I incéndiaa. Segundo o tratado de paz asinado en 1137, o duque Boleslao III renuncia ás súas pretensións sobre Kłodzko.
Contra 1250, Kłodzko recibiu os privilexios urbanos (dereito de Magdeburgo). En 1278, pasa ás mans dos Piastas e foi incorporada por Henrique IV o Xusto ao ducado de Wrocław.
Idade Moderna e Contemporánea
[editar | editar a fonte]En 1526, Kłodzko pasa a ser un feudo dos Habsburgo. Decontado, a cidade, entón co nome de Glatz, reemprende o seu crecemento.
Durante a Guerra de sucesión austríaca, a cidade cambia varias veces de mans. Finalmente foi conquistada polos prusianos en 1743 e anexionada a Prusia en 1763.
En 1807, despois dun longo sitio, foi conquistada polos franceses. Despois da caída de Napoleón, Glatz volve a Prusia. A cidade permanece unida ao resto de Alemaña por unha liña de ferrocarril. Nesta época viviu na cidade o científico e aventureiro Wilhelm Hemprich.
A finais do século XIX, a actividade turística comeza a desenvolverse na rexión.
Séculos XX e XXI
[editar | editar a fonte]En 1910, Glatz conta con 17 121 habitantes dos cales 13 629 son católicos, 3 324 protestantes e 150 xudeus. A partir de 1936, os xudeus son vítimas de actos antisemitas e a maior parte deles emigran, de xeito que en 1939 non quedan máis que 25.
Durante a Segunda guerra mundial, o seu castelo foi transformado en prisión. A Gestapo converteuno nun do centros de detención máis crueis de Silesia. A cidade non foi demasiado danada pola guerra, e foi tomada polo Exército Vermello, que non encontrou moita resistencia. Os nazis na súa fuxida destruíron as pontes, permanecendo unicamente a vella ponte gótica construída en 1390.
Despois da capitulación de Alemaña, a cidade pasa a soberanía polaca e cambia de nome; os alemáns foron case todos expulsados, e substituídos por polacos expulsados dos territorios anexionados pola URSS.
Na actualidade, Kłodzko é un dos centros culturais, comerciais e turísticos máis importantes da Baixa Silesia.
Galería de imaxes
[editar | editar a fonte]-
Situación de Kłodzko en Polonia
-
Bandeira de Kłodzko
-
Escudo de Kłodzko
-
Vista de Kłodzko
-
Edificio na rúa Checa
-
Museo
-
Ponte gótica.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Kłodzko ![]() |