Xoán Manuel Pereira de Castro
  | |
| Biografía | |
|---|---|
| Nacemento | 24 de maio de 1820 Reboreda, España |
| Morte | 15 de abril de 1896 (75 anos) Ourense, España |
| Embaixador do Reino de España no imperio chinés | |
| 5 de maio de 1871 – 10 de maio de 1873 ← Adolfo Patxot y Achaval (en)  – Tiburcio Rodríguez Muñoz (pt) → | |
| Ambassador of Spain to Thailand (en) | |
| | |
| Datos persoais | |
| País de nacionalidade | España |
| Actividade | |
| Ocupación | diplomático , político |
| Lingua | Lingua castelá |
Xoán Manuel Pereira de Castro, nado en Reboreda (Redondela) o 24 de maio de 1820 e finado en Ourense o 15 de abril de 1896, foi un fidalgo, diplomático e político galego. Ramón Otero Pedrayo relatou a súa vida na novela O señorito da Reboraina.
Traxectoria[editar | editar a fonte]
Foi fillo de Ignacio Manuel Pereira, señor da casa de Reboreda, en cuxo pazo naceu e medrou. Foi deputado en Cortes por Ponteareas (1846), Pontevedra (1854) e Zamora (1869), ademais de senador por Pontevedra e Ourense. De ideoloxía progresista e repúblicana, foi acusado de conspiración contra o réxime tras manter unha xuntanza co xeneral Prim en Londres, motivo polo cal foi ingresado na cadea da Illa de Santo Antón, na Coruña. Na devandita xuntanza preparaban a Revolución de 1868. Co triunfo de Prim e a instauración do Sexenio Democrático, Pereira de Castro foi liberado e pasou a presidir a Xunta Revolucionaria da Coruña. Nas eleccións de 1871 conseguiu a acta de deputado por Redondela nas Cortes Xerais, que volveu conseguir en 1873, deixando posteriormente o posto ao ser nomeado embaixador na China, Siam e Annam. A raíz das experiencias vividas no seu periplo oriental escribiu o libro Los países del Extremo Oriente.
O goberno revolucionario concedeulle a Cruz de Carlos III, que, porén, rexeitou. Coa Restauración borbónica de 1875 retirouse da vida política, fixando a súa residencia en Ourense, onde faleceu 21 anos despois.
Obras[editar | editar a fonte]
- Los países del Extremo Oriente, 1883.
Recoñecementos[editar | editar a fonte]
En 1868 o concello de Ourense púxolle o nome de rúa Pereira á antiga rúa del Concejo na súa honra.[1]
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Otero Pedrayo, Ramón (2011). O señorito da Reboraina. Galaxia.
Ligazóns externas[editar | editar a fonte]
- Biografía de Xoán Manuel PereiraArquivado 04 de xaneiro de 2014 en Wayback Machine. en Anecdotario Redondelán.
- Ficha no Congreso dos Deputados
