José Ramón Amedo

José Ramón Amedo
Biografía
Nacemento	21 de xuño de 1918 ; Cerceda, España
Morte	30 de maio de 2010 (91 anos)
Actividade
Ocupación	tirador
Deporte	Tiro deportivo
Participou en
1968	Xogos Olímpicos de 1968
Familia
Fillos	José Amedo Fouce

José Ramón Amedo Fernández, nado en Cerceda (O Corgo) o 21 de xuño de 1918 e finado o 30 de maio de 2010, foi un policía e deportista galego, que competía en tiro deportivo. Participou nos Xogos Olímpicos de 1968 en Cidade de México.

Traxectoria

Naceu na parroquia de Cerceda, no concello lucense do Corgo en 1918, sendo fillo dun membro do corpo dos somatén. Dende neno sentiu atracción polas armas e adoitaba a construír escopetas con tubos de paraugas, mechas e pólvora.^[1] Co estalido da guerra civil foi mobilizado e destinado á fronte de Teruel e a Cataluña. Ao remate da contenda entrou no Parque Móbil do Estado como chofer ata que ingresou no Corpo de Policía.^[1]

Destinado en Bilbao levou consigo á súa familia, e traballou na cidade vasca ata un ano antes da súa xubilación, cando foi destinado a Lugo. Comezou a practicar tiro deportivo nos anos 50 en Bilbao, e proclamouse en numerosas ocasións campión de España en modalidades de arma curta.^[1] Participou nos Xogos Olímpicos de 1968 en Cidade de México, rematando no posto 33º de pistola libre 50 m, proba na que resultou vencedor o soviético Grigorii Kosykh.^[2] Como experto en armas participou como perito en numerosos xuízos.

Vida persoal

Foi pai do tamén policía José Amedo, implicado no terrorismo de Estado contra ETA, como membro destacado dos GAL. A finais dos anos 80 e comezos dos 90 recibiu atención dos medios en España debido ao procesamento do seu fillo José Amedo, implicado no terrorismo de Estado contra ETA.^[1]^[3]

Notas

↑ ^1,0 ^1,1 ^1,2 ^1,3 "La pasión por las armas del padre del subcomisario Amedo". La Voz de Galicia (en castelán). 9 de marzo de 1989. p. 72.
↑ "Pistola libre 50 m nos Xogos Olímpicos de 1968". sports-reference.com (en inglés). Arquivado dende o orixinal o 18 de abril de 2020. Consultado o 18 de setembro de 2021.
↑ "El procesado asistió al entierro de su abuela, confirman vecinos de Cerceda". La Voz de Galicia (en castelán). 13 de xuño de 1991. p. 10.

[:1-1] 1,0 ^1,1 ^1,2 ^1,3 "La pasión por las armas del padre del subcomisario Amedo". La Voz de Galicia (en castelán). 9 de marzo de 1989. p. 72.

[2] "Pistola libre 50 m nos Xogos Olímpicos de 1968". sports-reference.com (en inglés). Arquivado dende o orixinal o 18 de abril de 2020. Consultado o 18 de setembro de 2021.

[3] "El procesado asistió al entierro de su abuela, confirman vecinos de Cerceda". La Voz de Galicia (en castelán). 13 de xuño de 1991. p. 10.

[1]

[2]

[3]