Josh Woodward
Biografía | |
---|---|
Nacemento | século XX |
Datos persoais | |
País de nacionalidade | Estados Unidos de América |
Actividade | |
Ocupación | cantautor , músico , compositor de cancións |
Lingua | Lingua inglesa |
Páxina web | joshwoodward.com |
Josh Woodward é un cantautor residente en Findlay, Ohio. Compón música rock acústica, folk e alternativa, e interpreta e produce as súas propias obras, distribuíndoas libremente. A súa carreira musical comezou a principios do ano 2002[1] e continúa a día de hoxe.
Josh Woodward foi un dos músicos pioneiros no uso de licenzas Creative Commons e na venda de álbums deixando a escolla do prezo ao comprador. Dende que comezou coa súa política de compartir a súa obra, o músico conseguiu superar a fronteira do millón de descargas, e actualmente está no terceiro posto dos artistas de Jamendo[1].
Moitos dos primeiros temas de Woodward compuxéronse en resposta a retos de Song Fight!, onde gañou máis da metade das veces que se presentou, o que lle valeu unha das porcentaxes de vitorias máis elevada do sitio web.
A vida na súa vila é un tema recorrente nas súas cancións. O seu estilo musical é comparable aos de Simon and Garfunkel, Barenaked Ladies ou John Mayer.
Álbums[editar | editar a fonte]
A obra de Woodward abarca máis de 150 temas musicais, repartidos nos seguintes álbums publicados pola discográfica Snooter Records:
- “Here Today” («Aquí e hoxe» en inglés), publicado no ano 2004, e reeditado no 2008.
- “Crawford Street” («A rúa Crawford» en inglés), publicado no ano 2005, e reeditado no 2009. As primeiras cen copias físicas que se venderon do CD incluían un CD adicional, “Sunny Side of the Street” («A parte soleada da rúa», en inglés), con cancións menos serias que Woodward preferiu deixar fóra de Crawford Street, que salienta por un ton serio e mesmo “escuro”. Un dos temas deste álbum, “Baba Ganousch”, apareceu no terceiro capítulo da terceira tempada da serie de televisión Supernatural.
- “Reject Bin” («Contedor do descartado» en inglés), publicado no ano 2005, con cancións que non foran engadidas a álbums anteriores.
- “Only Whispering” («Só un murmurio» en inglés), publicado no ano 2006, e reeditado no 2010.
- “Not Quite Connected” («Non moi conectado» en inglés), publicado no ano 2007.
- “Dirty Wings” («Ás sucias» en inglés), publicando no ano 2007.
- “The Simple Life, Part 1” («A vida simple, primeira parte» en inglés), publicado no ano 2008.
- “The Simple Life, Part 2” («A vida simple, segunda parte» en inglés), publicado no ano 2008.
- “Breadcrumbs” («migallas» en inglés), publicado en outubro do ano 2009.
Todos os seus álbums contan con versións con voz e instrumentais, e están dispoñibles tanto para a súa descarga de balde como para mercalos. Asemade, Woodward publica no seu sitio web versións preliminares de temas que posteriormente inclúe en álbums. Os temas están dispoñibles en formatos comprimidos ─OGG (a través de Jamendo) e MP3─ e sen perdas, e tamén están dispoñibles case sempre as letras e notacións musicais en formato estadounidense.
Concertos[editar | editar a fonte]
Woodward dá concertos polo noroeste do seu estado, Ohio, principalmente na súa localidade. No seu sitio web hai dispoñibles para a súa descarga algunhas gravacións de directos, tanto de temas propios coma de versións doutros.
Licenza[editar | editar a fonte]
Todos os temas de Josh Woodward está amparados na licenza «Creative Commons Recoñecemento 3.0 Estados Unidos»[2]. Por tanto, considérase música libre[3].
Música[editar | editar a fonte]
Versión acurtada de “The Bottom”, do álbum “The Simple Life, Part 1” (axuda · info)
Notas[editar | editar a fonte]
- ↑ 1,0 1,1 Páxina de Josh Woodward Arquivado 21 de agosto de 2010 en Wayback Machine. en Jamendo.
- ↑ Política de distribución de Josh Woodward
- ↑ Licenza Creative Commons Recoñecemento 3.0 Estados Unidos Arquivado 01 de setembro de 2010 en Wayback Machine..
Véxase tamén[editar | editar a fonte]
Commons ten máis contidos multimedia sobre: Josh Woodward |