José Vázquez Grela

Na Galipedia, a Wikipedia en galego.
Saltar ata a navegación Saltar á procura
José Vázquez Grela
José Vázquez Grela 1920.jpg
Retrato en Vida Gallega, 1920.
Nacemento6 de xullo de 1886
 Ames
Falecemento12 de setembro de 1936
 Nigrán
NacionalidadeEspaña
Ocupaciónxornalista e mestre
editar datos en Wikidata ]

José Vázquez Grela, nado en Ames o 6 de xullo de 1886[1] e finado en Nigrán o 12 de setembro de 1936, foi un mestre, agrarista e xornalista galego.

Traxectoria[editar | editar a fonte]

José Vázquez Grela cos seus alumnos premiados pola FAR da Estrada en Buenos Aires, 1930.

Emigrou a América. Ao retornar instalouse en Cuntis, onde participou no movemento agrario, ocupando o cargo de xefe das sociedades agrarias de Cuntis, foi redactor de El Bólido e colaborou en Acción Agraria. Despois fundou El Bólido de Cuntis. Rematou a carreira de Maxisterio en 1920[2]. Foi mestre interino no Porriño e Mesego (Cuntis). Na ditadura de Primo de Rivera foi mestre en Graba (Silleda) e Santa Cristina de Vea (A Estrada). En 1931 pediu traslado para Nigrán. Pertenceu á directiva da Asociación de Trabajadores de la Enseñanza de Vigo e foi membro da Agrupación Socialista de Vigo. Participou na campaña do Estatuto de Autonomía. Foi paseado no Barrio da Devesa de Nigrán o 12 de setembro de 1936.

Vida persoal[editar | editar a fonte]

Casou con Josefa Iglesias, natural de Cuntis, coa que tivo seis fillos: María Asunción, Antonio Manuel, Julia, Alfredo e José Gonzalo.

Notas[editar | editar a fonte]

  1. Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 58. 
  2. El Noticiero Gallego, 4-6-1920, p. 4.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]