José Tomé
| Biografía | |
|---|---|
| Nacemento | 3 de setembro de 1958  (65 anos)Guitiriz, España |
| Alcalde de Monforte de Lemos | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Partido Socialista Obrero Español |
| Membro de | |
| Lingua | Lingua castelá |
José Tomé Roca, nado en Guitiriz o 3 de setembro de 1958, é un político galego do PSdeG-PSOE.
Traxectoria[editar | editar a fonte]
Profesor de Tecnoloxía Agraria na Escola de Capacitación Agraria de Monforte de Lemos. Foi Secretario Xeral de UGT Lemos e concelleiro en Monforte de Lemos polo PSdeG-PSOE.
Encabezou a candidatura do PSdeG-PSOE no concello de Monforte de Lemos nas eleccións municipais de 2003, sendo primeiro tenete de alcalde e concelleiro de medio ambiente baixo a alcaldía do nacionalista Severino Rodríguez Díaz. Nas eleccións autonómicas de 2005 foi elixido deputado e volveu ser elixido nas autonómicas de 2009, aínda que causou baixa o 6 de setembro de 2011.
Encabezou a candidatura socialista en Monforte de Lemos en 2007 e 2011, mellorando progresivamente os seus resultados, se ben os nacionalistas mantiveron a alcaldía (con maioría absoluta no primeiro caso e maioría simple no segundo), co cal formou parte da oposición. Nas eleccións municipais de 2015 encabezou de novo a candidatura do PSdeG-PSOE e logrou a vitoria con 6 concelleiros, polo que foi elixido alcalde e gobernou minoría.
Nas eleccións municipais de 2019 volveu encabezar a candidatura do PSdeG-PSOE e acadou unha ampla maioría absoluta con 11 concelleiros, o que lle permitiu revalidar o cargo de alcalde de Monforte de Lemos. Impulsado por estes resultados, en xullo de 2019 foi elixido presidente da Deputación de Lugo. En febreiro de 2022 foi elixido Secretario Provincial do PSdeG-PSOE de Lugo, tras alcanzar un acordo de integración co alcalde de Castroverde Xosé María Arias Fernández, o cal pasou a selo seu vicesecretario xeral. Nas eleccións municipais de 2023 revalidou a alcaldía con maioría absoluta e foi reelixido presidente da Deputación.
| Predecesor: Severino Rodríguez Díaz |
 Alcalde de Monforte de Lemos 2015 - actualidade |
Sucesor: no cargo |
| Predecesor: Darío Campos Conde |
 Presidente da Deputación Provincial de Lugo 2019 - actualidade |
Sucesor: no cargo |
| Predecesor: Patricia Otero Rodríguez |
 Secretario xeral do PSdeG-PSOE da Provincia de Lugo 2022 - actualidade |
Sucesor: no cargo |