José López Martínez
| José López Martínez | |
|---|---|
| Alcume | Rabadelo |
| Nacemento | 1882 |
| Lugar de nacemento | A Pontenova |
| Falecemento | 3 de decembro de 1936 |
| Lugar de falecemento | Lugo |
| Nacionalidade | España |
| Ocupación | xornaleiro, xornalista e político |
| [ editar datos en Wikidata ] | |
José López Martínez, coñecido como Rabadelo, nado na Pontenova cara a 1882 e finado en Lugo o 3 de decembro de 1936, foi un xornaleiro, xornalista e político galego.
Traxectoria[editar | editar a fonte]
Militante socialista e masón, dirixente da Sociedad de Obreros del Ramo de la Construcción y Oficios Varios de Viveiro adscrita á UGT.[1] Sucedeu a Benito Sánchez López na dirección de El Momento de Viveiro. En 1936 era presidente da Agrupación Socialista de Viveiro. Co golpe de Estado do 18 de xullo de 1936 foi detido o 25 de agosto e trasladado ao cárcere de Lugo. Encartado na causa 212/26 por "mandar un grupo de marxistas armados o 21 de xullo" con Emilio Timiraos Cervo, José Castro Vázquez e Manuel Rodríguez.[2] Enfermo de tuberculose, foi trasladado ao Hospital o 8 de novembro, onde faleceu o 3 de decembro.