Jordan Sánchez

Jordan Sánchez
	; Jordan Sánchez co Arenteiro, 2023
Nome orixinal	Jordan Sánchez Varela
Biografía
Nacemento	5 de xaneiro de 1991 (34 anos); Ourense, España
Altura	1,72 m.
Actividade
Ocupación	futbolista
Deporte	fútbol
Posición de xogo	Lateral dereito

Jordan Sánchez Varela, nado en Ourense o 5 de xaneiro de 1991, é un futbolista galego que xoga de lateral dereito no Arenteiro, da Primeira División RFEF.

Traxectoria

Comezou a xogar ao fútbol na canteira do Ourense e chegou a debutar co seu filial, o Ourense B, na Terceira División, durante a tempada 2007/08, con só 16 anos. A continuación pasou polo equipo xuvenil do Pabellón,^[1] antes de ingresar na canteira do Celta de Vigo en 2009.^[2] Tras un ano de xuvenil, saíu cedido na tempada 2010/11 ao Ourense, co que xogou unha campaña en Terceira, logrando 10 goles e disputando a promoción de ascenso.

De regreso en Vigo, xogou unha campaña co Celta B na Segunda División B, sen conseguir manter a categoría. En 2012 fichou polo Compostela, co que gañou na súa primeira tempada o ascenso de Terceira a Segunda B. Xogou tres anos máis no equipo santiagués, disputando un total de 120 partidos oficiais.

A continuación xogou 6 anos fóra de Galicia, vestindo as camisetas de cinco equipos diferentes (Sabadell, Arenas de Getxo, Linense, Alcoyano e Zamora), todos eles na terceira categoría do fútbol español. Co Zamora disputou a primeira edición da nova Primeira División RFEF, aínda que acabou descendendo.

En 2023 regresou á provincia de Ourense e asinou como novo xogador do Arenteiro.^[2] Disputou un total de 35 partidos na histórica tempada 2022/23, na que o club do Carballiño se proclamou campión do Grupo I da Segunda División RFEF, logrando así o ascenso á Primeira RFEF, gañou a Copa Federación e eliminou ao Almería na Copa do Rei antes de caer eliminado ante o Atlético de Madrid de Simeone.^[3]

Palmarés

Arenteiro

Segunda División RFEF (1): 2022/23.
Copa Federación (1): 2022.

Notas

↑ Rodríguez, Luis M. (24 de abril de 2013). "El Pabellón rompió todos sus registros en Honor". La Voz de Galicia (en castelán). Consultado o 12 de outubro de 2023.
↑ ^2,0 ^2,1 "Jordan Sánchez únese á plantilla do C.D. Arenteiro". Facebook. Consultado o 12 de outubro de 2023.
↑ Rodríguez, Luis M. (10 de xuño de 2023). "Álex Fernández: «En el éxito del Arenteiro primó lo colectivo sobre lo individual»". La Voz de Galicia (en castelán). Consultado o 11 de outubro de 2023.

Véxase tamén

Ligazóns externas

Datos do xogador en LaPreferente (en castelán).

[1] Rodríguez, Luis M. (24 de abril de 2013). "El Pabellón rompió todos sus registros en Honor". La Voz de Galicia (en castelán). Consultado o 12 de outubro de 2023.

[:0-2] 2,0 ^2,1 "Jordan Sánchez únese á plantilla do C.D. Arenteiro". Facebook. Consultado o 12 de outubro de 2023.

[:1-3] Rodríguez, Luis M. (10 de xuño de 2023). "Álex Fernández: «En el éxito del Arenteiro primó lo colectivo sobre lo individual»". La Voz de Galicia (en castelán). Consultado o 11 de outubro de 2023.

[1]

[2]

[3]