João Afonso

Na Galipedia, a Wikipedia en galego.
João Afonso
Nome completoJoão Nepomuceno Baltazar de Lima
Data nacemento8 de xullo de 1965 (58 anos)
Nado enMaputo
OcupaciónCantautor
XéneroFolk
Relacionado conUxía Senlle, José Afonso
Tempo en activo1994 – actualidade
Na rede
IMDB: nm1678502 Facebook: JoaoAfonso.musico Genius: Joao-afonso Editar o valor em Wikidata
editar datos en Wikidata ]

João Nepomuceno Baltazar de Lima, nado en Maputo (Mozambique) o 8 de xullo de 1965, é un cantautor portugués, máis coñecido como João Afonso.

Traxectoria[editar | editar a fonte]

Viviu en Maputo coa súa familia até o seu traslado en 1978 a Portugal. Recolle as influencias da música urbana africana do seu país de orixe e a tradición portuguesa do seu tío o cantante portugués Zeca Afonso. Participa nos actos de homenaxe a este último que se organizan a finais da década de 1980 e no ano 2012.[1]

En decembro de 1994 integra o proxecto Maio maduro maio xunto a José Mário Branco e Amélia Muge. Gravado en dobre compacto en 1995, preséntase en diversas capitais internacionais, incluída Lisboa. Colabora nos discos Janelas verdes e Acústico de Júlio Pereira e en Lua extravagante, do grupo homónimo.

En 1996 canta en España, xunto a Luis Pastor, temas propios e de Zeca Afonso; ocasionalmente úneselles Pedro Guerra, que por entón era unha nova promesa da canción nacional. En maio de 1997 publica en Portugal Missangas, o seu primeiro disco en solitario, que se reedita despois en Francia (Polygram) e España (Resistencia). Na Exposición Internacional de 1998 en Lisboa participa na gravación do espectáculo Voz e guitarra e ofrece concertos propios.

En 1998 ofrece dous temas do romanceiro histórico ao disco colectivo Novas vos trago, compón música para o poema Paz de Santiago de José Saramago, que grava Luís Pastor no seu álbum Por el mar de mi mano, e grava co grupo canario Mestisay o tema Na machamba, cuxa versión orixinal se incluía na súa obra Missangas. En 1999 canta o tema Aquí em baixo (Azul) no disco da cantante galega Uxía Senlle.

En 1999 publica Barco voador, o seu segundo disco en solitario, onde recolle a súa experiencia como viaxeiro por diversos continentes. A discográfica Universal edítao en España. En 2002 edita o seu disco Zanzibar, con catorce temas —a maioría da súa autoría— con xogos instrumentais e vocais. En 2006, Outra vida, confírmao como un dos mellores intérpretes e creadores da súa xeración en Portugal. En 2014 edita Sangue bom, con composicións propias sobre poemas de Mia Couto e de José Eduardo Agualusa.

Participou nos festivais galegos Cantos na Maré, Festas do Apóstolo [2] e Festigal, entre outros.

Discografía[editar | editar a fonte]

  • Maio maduro maio, con José Mário Branco e Amélia Muge (1995)
  • Missangas (1997)
  • Barco voador (1999)
  • Zanzibar (2002)
  • A arte e a música, recompilatorio (2004)
  • Outra vida (2006)
  • Um redondo vocábulo, con João Lucas (2010)
  • Sangue bom (2014)

Obras colectivas[editar | editar a fonte]

  • Voz e guitarra (1997)
  • Encontros: Canções de João Lóio (1997)
  • Novas vos trago (1998)
  • Cantigas de amigo (1999)
  • O cancioneiro do Niassa, canções proibidas (1999)
  • Canções de embalar (2001)

Notas[editar | editar a fonte]

  1. ""Terra da Fraternidade": Galicia homenajea a José Afonso". RTVE. Consultado o 26-07-2020. 
  2. "Apóstolo 2018". Portal Galego da Língua. Consultado o 26-07-2020. 

Véxase tamén[editar | editar a fonte]

Ligazóns externas[editar | editar a fonte]