Jesús Tallón Maceira
| Biografía | |
|---|---|
| Nacemento | c. 1950  (73/74 anos)Vedra, España |
 Alcalde da Estrada | |
| 1991 – xuño de 1992 (moción de censura) ← Elvira Fernández Díaz – Ramón Campos Durán → | |
| Actividade | |
| Ocupación | político, mestre |
| Partido político | Partido Socialista Obrero Español |
| Membro de | |
Jesús Tallón Maceira, nado en Vedra cara a 1950, é un mestre e político galego do PSdeG-PSOE.
Traxectoria
[editar | editar a fonte]Mestre, tras exercer en varias localidades en 1984 instalouse na Estrada[1]. Nas eleccións municipais de 1987 encabezou a candidatura do PSdeG-PSOE á alcaldía da Estrada e foi elixido concelleiro. Nas eleccións municipais de 1991 volveu encabeza-la candidatura do PSdeG-PSOE e foi elixido alcalde grazas a un pacto coa Agrupación Independiente de A Estrada de Ramón Campos Durán e o BNG. Este tripartito durou menos dun ano, debido a que existiron negociacións entre o PP e a formación de Ramón Campos, que deron como resultado que Ramón Campos acadou a alcaldía co apoio do PPdeG en xuño de 1992 mediante unha moción de censura e se integrou na formación conservadora. Volveu encabeza-la candidatura socialista nas municipais de 1995, e se ben mellorou os seus resultados, non conseguiu recupera-la alcaldía logo de que o PPdeG lograse a maioría absoluta, polo que continuou como portavoz municipal e concelleiro ata 1999. Foi Secretario de Organización do PSdeG baixo o mandato de Paco Vázquez entre 1994 e 1998.
Tras un tempo apartado da primeira liña política, en outubro de 2006 volveu como Secretario Xeral do PSdeG na Estrada, paralelamente coa designación do seu anterior número 2 no concello José Antonio Dono como candidato á alcaldía para as municipais de 2007[2]. Dono lograría a alcaldía en 2007. Permaneceu como Secretario Xeral ata 2012.
| Predecesor: Elvira Fernández |
 Alcalde da Estrada 1991 - 1992 |
Sucesor: Ramón Campos Durán |
Notas
[editar | editar a fonte]- ↑ Xubilación de Suso Tallón e Suso Palacios
- ↑ "Dono vuelve como candidato del PSOE de A Estrada y Tallón asume la secretaría". Arquivado dende o orixinal o 31 de maio de 2020. Consultado o 22 de novembro de 2011.