Elvira Fernández
| Biografía | |
|---|---|
| Nacemento | 22 de decembro de 1939  (84 anos)Becerreá, España |
.svg){kind=small} Deputada de España | |
| 21 de xuño de 1993 – 9 de xaneiro de 1996 Lexislatura: V lexislatura de España Circunscrición electoral: Pontevedra Electa en: Eleccións Xerais 1993 en España | |
 Alcaldesa da Estrada | |
| 1987 – 1991 ← Manuel Reimóndez Portela – Jesús Tallón Maceira → | |
| Actividade | |
| Ocupación | política |
Elvira Fernández Díaz, nada en Becerreá o 22 de decembro de 1939, é unha política galega do PPdeG.
Traxectoria
[editar | editar a fonte]Mestra. Foi funcionaria da Xunta de Galicia como axente de Extensión Agraria na Estrada dende 1968. Foi elixida concelleira da Estrada pola UCD nas eleccións municipais de 1979 e nas municipais de 1983 como independente, sempre baixo o liderado de Jesús Durán Martínez, alcalde de 1979 a 1983. Tralo falecemento de Durán en setembro de 1984 pasou a ocupar seu escano na Deputación de Pontevedra e o liderado do grupo político no concello. Posteriormente integrouse en Coalición Galega, e trala escisión do sector afín a Pablo González Mariñas pasou a formar parte do Partido Nacionalista Galego (PNG). Nas eleccións municipais de 1987 encabezou a candidatura do PNG á alcaldía da Estrada e foi elixida alcaldesa ó ser a forza máis votada, volvendo ser deputada provincial. Posteriormente ingresou no PPdeG polo cal foi elixida senadora en 1989. Nas municipais de 1991 encabezou a candidatura do PPdeG na Estrada e, pese a ser a forza máis votada, perdeu a alcaldía tras un pacto entre o PSdeG, os independentes de Ramón Campos Durán (escisión do PP) e o BNG. Ó ano seguinte abandonou a política municipal para facilitar o regreso de Durán á disciplina popular, o cal pasaría a ocupar a alcaldía mediante unha moción de censura tralo seu reingreso no partido. Continuou como senadora en Madrid e en 1993 foi elixida deputada no Congreso dos Deputados, onde se mantivo ata 1996. Despois foi xefa do Servizo de Publicacións e Estatística de Agricultura.
Vida persoal
[editar | editar a fonte]Fernández Díaz está viúva e ten dous fillos.
Véxase tamén
[editar | editar a fonte]Outros artigos
[editar | editar a fonte]- Eleccións municipais na Estrada
- Lista de deputados galegos no Congreso desde a Transición
- Lista de senadores galegos desde a Transición
Ligazóns externas
[editar | editar a fonte]
| Predecesor: Manuel Reimóndez Portela |
 Alcaldesa da Estrada 1987 - 1991 |
Sucesor: Jesús Tallón Maceira |