James Gandolfini

James Gandolfini
	;
Biografía
Nacemento	(en) James J. Gandolfini Junior ; 18 de setembro de 1961 ; Westwood, Estados Unidos de América (pt)
Morte	19 de xuño de 2013 (51 anos); Roma, Italia
Causa da morte	Morte natural (Miocardiopatía )
Datos persoais
País de nacionalidade	Estados Unidos de América
Educación	Universidade Rutgers (pt) ; Lee Strasberg Theatre and Film Institute (pt) ; Park Ridge High School (en)
Altura	1,84 m
Actividade
Ocupación	actor , actor de televisión
Período de actividade	1980 -
Lingua	Lingua inglesa
Familia
Cónxuxe	Marcy Wudarski ; Deborah Lin
Fillos	Michael Gandolfini (pt) ; ()
	Premios (2003) Primetime Emmy ó mellor actor en serie dramática, premiado polo traballo The Sopranos; (2001) Primetime Emmy ó mellor actor en serie dramática, premiado polo traballo The Sopranos; (2000) Primetime Emmy ó mellor actor en serie dramática, premiado polo traballo The Sopranos; (2000, 2003) Premio do Sindicato de Actores; (2000) Premio Globo de Ouro ;
Páxina web	gandolfini.com

James Joseph Gandolfini Jr.,^[1] nado o 18 de setembro de 1961 en Westwood (Nova Jersey e finado o 19 de xuño de 2013 en Roma (Italia), foi un actor estadounidense, máis coñecido polo seu papel de Tony Soprano, un xefe da mafia italoamericano na serie da HBO The Sopranos. Foi amplamente aclamado pola súa interpretación, gañando tres premios Emmy, tres premios do Sindicato de Actores e un Globo de Ouro.

Entre os seus papeis máis notables, salientan Virgil en True Romance (1993), o tenente Bobby Dougherty en Crimson Tide (1995) e o alcalde de Nova York en The Taking of Pelham 123 (2009). Outros papeis de sona foron o de Bear en Get Shorty (1995) e o impulsivo "Wild Thing" Carol en Onde viven os monstros (2009). Pola súa interpretación do papel de Albert en Enough Said (2013), Gandolfini recibiu postumamente moi boas críticas e numerosos galardóns, incluíndo un nomeamento ó premio do Sindicato de Actores e un premio da Sociedade de Críticos de Cinema de Boston ó mellor actor secundario.

En 2007, Gandolfini produciu Alive Day Memories: Home from Iraq, un documental no cal entrevista a veteranos feridos da guerra de Iraq, e en 2010, Wartorn: 1861–2010, unha ollada ó trastorno por estrés postraumático nos soldados e familias ó longo das diversas guerras na historia dos Estados Unidos, dende 1861 até 2010.