Jacobo Barral Otero

Jacobo Barral Otero
	;
Biografía
Nacemento	1906 ; O Grove, España
Morte	15 de decembro de 1996 (89/90 anos); Vigo, España
Alcalde do Grove
	1936 – 1936 (destitución)
Actividade
Ocupación	mestre, político

Jacobo Barral Otero, nado no Grove en 1906 e finado en Vigo o 15 de decembro de 1996, foi un mestre e político galego.

Traxectoria

Sobriño de Jacobo Otero Goday. Na Segunda República foi correspondente de El Pueblo Gallego no Grove e presidente do grupo local do Grove do Partido Galeguista. Logo da dimisión da anterior Corporación, foi nomeado xestor e elixido alcalde do Grove a finais de xuño de 1936.^[1]

Co golpe de Estado do 18 de xullo de 1936 foi detido. Xulgado en Pontevedra en consello de guerra o 17 de novembro con Ángel Cadavid Caamaño, Jacobo Otero Goday, Miguel Mandiás Merino, José Prol Figueiro e Manuel Puente Iglesias,^[2]^[3] acusados de rebelión militar, foi condenado a pena de morte. A sentenza foi conmutada por cadea perpetua. Estivo preso en San Simón e logo foi trasladado ao Forte de San Cristovo (Pamplona).

A amizade con algunhas familias da burguesía viguesa permitiulle saír adiante durante o franquismo. Estableceuse na provincia da Coruña onde casou. Coa democracia encadrouse no Partido Galeguista e foi candidato do PNG-PG ás eleccións europeas de 1989. Finou en Vigo o 15 de decembro de 1996.^[4]

Notas

↑ El Pueblo Gallego, 26-6-1936, p. 13.
↑ Diario de Pontevedra, 18-11-1936, p. 2.
↑ El Pueblo Gallego, 18-11-1936, p. 7.
↑ La Voz de Galicia, 17-12-1996, p. 40.

Véxase tamén

Bibliografía

Mascato, Antón (2019). Atila no Grove. Crónica política e Memoria da masacre (1923-1948). Santiago de Compostela: Positivas. ISBN 978-84-120184-6-2.

Ligazóns externas

Predecesor:
Baldomero Sanmartín González

Alcalde do Grove
1936

Sucesor:
Aquilino Cabezón Freire

[1] El Pueblo Gallego, 26-6-1936, p. 13.

[2] Diario de Pontevedra, 18-11-1936, p. 2.

[3] El Pueblo Gallego, 18-11-1936, p. 7.

[4] La Voz de Galicia, 17-12-1996, p. 40.

[1]

[2]

[3]

[4]