Jackie Brenston

Na Galipedia, a Wikipedia en galego.
Saltar ata a navegación Saltar á procura
Jackie Brenston
Nacemento15 de agosto de 1930
OrixeClarksdale (Mississippi) Flag of the United States.svg
Falecemento15 de decembro de 1979 (49 anos)
 Memphis, Tennessee
Ocupaciónmúsico
Instrumento(s)voz, saxofón
editar datos en Wikidata ]

Jackie Brenston, nado en Clarksdale (Mississippi) o 15 de agosto de 1930 e finado en Memphis (Tennessee) o 15 de decembro de 1979, foi un vocalista de R&B e saxofonista afroamericano que gravou, xunto á banda de Ike Turner, a primeira versión do tema proto-rock and roll "Rocket 88".

Traxectoria[editar | editar a fonte]

Brenston regresou á súa vila natal tras o servizo militar en 1947 e aprendeu a tocar o saxofón tenor, uníndose a Ike Turner en 1950 como saxofonista e vocalista ocasional da súa banda. O éxito local dos Turner’s Kings of Rhythm fixo que B. B. King os recomendase a Sam Phillips, dono duns estudios en Memphis, Tennessee, onde a banda realizou varias gravacións a comezos de marzo de 1951, incluída "Rocket 88", na cal Brenston fai a voz principal e na que aparece acreditado como compositor.

Phillips pasoulle as gravacións ao selo Chess Records de Chicago, que editou "Rocket 88" baixo o nome de "Jackie Brenston and his Delta Cats", en vez de co nome de Turner. A gravación acadaría en pouco tempo o número 1 na lista de R&B da Billboard e estivo nesa posición ao redor dun mes. Phillips posteriormente afirmou que esta fóra a primeira gravación de rock and roll, e isto foi comunmente repetido por outros a pesar de que existen outros candidatos. Phillips usou o éxito da canción para crear Sun Records o ano seguinte.

Despois dunha sesión de gravación máis, Brenston e Turner separáronse, e Brenston pasou a tocar na banda de Lowell Fulson, onde estivo dous anos. Volvería a tocar co grupo de Turner de 1955 a 1962. Aínda que ocasionalmente cantou nela, Turner aparentemente prohibíulle cantar "Rocket 88".

Volveuse alcohólico e continuou tocando en bandas locais. Despois dunha última sesión gravación con Earl Hooker en 1963, traballou ocasionalmente como camioneiro antes de padecer un fatal ataque ao corazón en 1979, que o matou en Memphis cando tiña 49 anos.