Ingvar Kamprad

Na Galipedia, a Wikipedia en galego.
Saltar ata a navegación Saltar á busca
Ingvar Kamprad
Ingvar Kamprad (cropped).jpg
Nacemento 30 de marzo de 1926
  Pjätteryd
Falecemento 27 de xaneiro de 2018
  Liatorp
Causa Pneumonía
Nacionalidade Suecia
Relixión Igrexa de Suecia
Ocupación empresario e empresario
Pai Franz Feodor Kamprad
Nai Berta Linnéa Matilda Kamprad
Cónxuxe Kerstin Wadling e Margaretha Stennert
Fillos Peter Kamprad, Jonas Kamprad, Mathias Kamprad e Annika Kihlbom
Premios International Swede of the Year, Global Economy Prize e sen etiquetar
editar datos en Wikidata ]

Feodor Ingvar Kamprad, nado en Pjätteryd o 30 de marzo de 1926[1][2] e finado en Småland o 27 de xaneiro de 2018, foi un empresario sueco, fundador de IKEA, e unha das persoas máis ricas do mundo, en setembro de 2016 a revista Bloomberg estimaba a súa fortuna en algo máis de 44 mil millóns de dólares, a décima fortuna do mundo[3].

Traxectoria[editar | editar a fonte]

Ingvar Kamprad medrou nunha pequena granxa de nome Älmtaryd na aldea de Agunnaryds no concello de Ljungby no condado de Kronoberg. O seu avó Achim Kamprad (m. 1897) emigrara en 1896 procedente de Alemaña, coa súa esposa Franziska, e os seus fillos Franz Feodor e Erwin Erich. A súa nai Berta era filla do C. B. Nilsson, propietario dunha tenda en Älmhult. Previamente a familia residira noutra granxa de Älmhult, chamada Majtorp e foi en 1933, cando a familia se mudou a Älmtaryd.[4]

Ingvar Kamprad en 2004.

IKEA[editar | editar a fonte]

Ingvar Kamprad foi desde neno emprendedor, vendendo produtos de pouco prezo aos veciños, como mistos ou lapiseiros[5]. Fundou IKEA o 15 de xullo de 1943 como un negocio para primeiro venderlles produtos que lle pedían os granxeiros[6] e a partir de 1946 de venda por correo con anuncios na prensa local[7][8], sen tenda física e non comezou a vender mobiliario ata 1947. O primeiro catálogo de IKEA apareceu en 1951 e dous anos máis tarde, comprou unha tenda de carpintería en Älmhult para convertela nunha sala de exposicións de mobles. A idea das embalaxes planas para enviar mobles armables foi do deseñador Gillis Lundgren en 1955. A primeira tenda inaugurouna en 1958 en Älmhult e en 1965 abriu unha tenda en Kungens kurva, preto de Estocolmo. Kamprad goza da reputación de levar unha vida austera, que transmitiu á súa empresa.[9][10]

Participación en organizacións de extrema dereita[editar | editar a fonte]

En 1942 Ingvar Kamprad, entrou no grupo fascista Nysvenska Rörelsen, e foi membro cando menos ata finais de setembro de 1945.[11] Mantivo boas relacións co seu líder, Per Engdahl. A súa participación no movemento non se coñeceu ata 1994. Tamén foi membro da Svensk Socialistisk Samling.[12]

Kamprad afirmou máis tarde que a súa implicación no movemento fascista foi unha "aberración" [13] e que o fixo baixo a influencia das ideas filonazis da súa avoa, dos Sudetes, e polo conservador e antibolxeviquismo do seu pai.[14] En 1994 escribiu unha carta a todos os seus traballadores dándolles explicacións da súa actividade fascista na súa mocidade.[14][15] Secasí en 2010 nunha entrevista describiu o líder fascista sueco Per Engdahl como un "gran home".[16][17]

Notas[editar | editar a fonte]

  1. Sveriges befolkning 1970, (CD-ROM) Riksarkivet 2003
  2. Smålands Gille i Göteborg - årsbok 2006, Bo Edlund "Ingvar Kamprad - 2006 års smålänning", Göteborg 2006, s. 3
  3. ”Bloomberg Billionaires Index” Arquivado 14 de decembro de 2012 en Wayback Machine. Bloomberg, 2 de setembro de 2016
  4. Kamprad I, Torekull, B: "Historien om Ikea: Ingvar Kamprad berättar för Bertil Torekull", Wahlström & Widstrand, Stockholm 1998, ISBN 91-46-17065-0
  5. Ingvar Kamprad, founder of IKEA sweden.se
  6. Allan Percy (2013)La escafandra del optimista: Un kit de supervivencia para tiempos difíciles Penguin Random House
  7. Ingvar Kamprad, företagsamheten.se
  8. Rhymer Rigby (2011) 28 Business Thinkers Who Changed the World: The Management Gurus and Mavericks Who Changed the Way We Think about Business Kogan Page p. 86
  9. "Ikea billionaire Ingvar Kamprad buys second-hand clothes to save money" The Guardian, 10 de marzo de 2016
  10. "¿Tacaño yo? El millonario dueño de Ikea compra los yogures a punto de caducar" El País, 10 de marzo de 2016
  11. "Svensk överklass och högerextremism under 1900-talet", Karl N. Alvar Nilsson, ISBN 91-86474-34-0.
  12. ””Kamprad aktiv nazist under 2:a världskriget””. Aftonbladet. 23 de agosto de 2011
  13. Kamprad I, Torekull, B: "Historien om Ikea: Ingvar Kamprad berättar för Bertil Torekull", Wahlström & Widstrand, Stockholm 1998, ISBN 91-46-17065-0, s. 35
  14. 14,0 14,1 ”Kamprad:”Jag kallades nazist””. Svenska Dagbladet, 15 de febreiro de 2010
  15. Oliver Burkeman, The miracle of Älmhult (part two) The Guardian, 17 de xuño de 2004
  16. ”Öppna garderoben DN.SE, 31 de marzo de 2016
  17. ”Världens rikaste svensk fyller 90 – Ingvar Kamprads karriär kantas av mysterier” Veckans affärer, 31 de marzo de 2016.