Illa de Bahrain

Na Galipedia, a Wikipedia en galego.
Illa de Bahrain
جزيرة البحرين
Localización da illa no golfo Pérsico
Mapa da illa
Situación
País Bahrain
Margolfo Pérsico
Coordenadas26°2′N 50°33′O / 26.033, -50.550Coordenadas: 26°2′N 50°33′O / 26.033, -50.550
Xeografía
XeoloxíaIlla continental
Superficie604 km²
Longura máxima51 km.
Largura máxima18 km.
Perímetro130 km.
Punto máis alto135 m. Jabal ad-Dukhan (Montaña de fume)
Demografía
CapitalManama (300.000 hab.)
Poboación940.000 hab. (2010)
Densidade1.556 hab./km²

A Illa de Bahrain (árabe: جزيرة البحرين Jazīrah al-Baḥrayn), tamén coñecida como illa al-Awal[1] e oficialmente como Bahrein, é a illa máis grande dentro do arquipélago de Bahrain,[2] e forma a maior parte da masa de terra do país albergando a maioría da súa poboación.[3]

Xeografía[editar | editar a fonte]

A maior parte da illa de Bahrain atópase nunha entrada relativamente pouco profunda do golfo Pérsico coñecida como o golfo de Bahrain. O fondo mariño adxacente a Bahrain é rochoso e, principalmente na parte norte da illa, está cuberto por extensos arrecifes de coral. A maior parte da illa é un deserto baixo e estéril. Afloramentos de pedra calcaria forman outeiros baixos, cantís baixos e barrancos pouco profundos. A pedra calcaria está cuberta por varias densidades de area salina, capaz de soportar só a vexetación máis resistente do deserto, principalmente espiños e matogueiras. Existe a 5 km unha ampla franxa fértil de terra ao longo da costa norte na que crecen árbores, datileiras, amendoeiras, figueiras e milgrandeiras. O interior contén unha escarpa que se eleva a 134 m, o punto máis alto da illa, para formar a Montaña de fume, nomeada como tal debido ás brumas que a miúdo envolven o cume. A maioría dos pozos de petróleo do país están situados nas proximidades da montaña.

Clima[editar | editar a fonte]

As condicións climáticas da zona son áridas. A temperatura media anual na área é de 28 °C. O mes máis cálido é agosto, cando a temperatura media é de 38 °C e o máis frío é xaneiro, con 18 °C. A precipitación media anual é de 144 milímetros. O mes máis chuvioso é novembro, cunha media de 38 mm de precipitación, e o máis seco é outubro, con 1 mm de precipitación.

Demografía[editar | editar a fonte]

Manama, a capital do reino de Bahrain, atópase no extremo nordés da illa de Bahrain. O porto principal, Mina Salman, tamén se atopa na illa, así como as instalacións principais de refinación de petróleo e centros comerciais.

Administración[editar | editar a fonte]

A illa está dividida entre tres gobernacións de Bahrain.

Transporte[editar | editar a fonte]

Pontes e calzadas elevadas conectan Bahrain coas illas adxacentes e a parte continental de Arabia Saudita. A calzada máis antiga, construída orixinalmente en 1929, une Bahrain coa Al Muharraq, a terceira illa máis grande.

Hai tres calzadas que conectan a illa de Muharraq con Manama na illa de Bahrain:

Na súa costa leste atópase Sitrah, o sitio da terminal de exportación de petróleo, que está unido a Bahrein por unha ponte que se estende pola estreita canle que separa as dúas illas.

Na súa beira occidental, unha calzada á illa de Umm an Nasan, continúa cara á cidade de Arabia Saudita da Al Kubar, pasando polo King Fahd Causeway. Umm an Nasan é propiedade privada do rei e o sitio de recreo persoal.

Galería[editar | editar a fonte]

Notas[editar | editar a fonte]

  1. "Case Concerning Maritime Delimitation and Territorial Questions between Qatar and Bahrain". International Court of Justice. 2001. p. 59. Arquivado dende o orixinal (PDF) o 25 de decembro de 2018. Consultado o 21 de outubro de 2017. 
  2. Geonames Bahrain
  3. "Facts and Figures of Bahrain". Arquivado dende o orixinal o 22 de abril de 2016. Consultado o 21 de outubro de 2017. 

Véxase tamén[editar | editar a fonte]

Outros artigos[editar | editar a fonte]