Hipótese Gaia

Para outras páxinas con títulos homónimos véxase: Gaia.

A hipótese de Gaia foi emitida polo químico e inventor James Lovelock en 1969 coa colaboración de Dian Hitchcock,^[1] e máis tarde publicada en detalle na súa obra Gaia: A New Look at Life on Earth en 1979.^[2] Esta hipótese postula que a Terra se comportaría, no seu conxunto, talmente coma un ser vivo que se autorregula, onde a biosfera ten un papel activo na modulación das condicións ambientais para manter a vida. Esta teoría foi desenvolvida e apoiada pola bióloga estadounidense Lynn Margulis, quen contribuíu significativamente á teoría, especialmente no que respecta á importancia das interaccións simbióticas entre os seres vivos na regulación dos sistemas terrestres.^[3]

Esta hipótese ten relación coa bioxeografía, ciencia que se ocupa da vida en sentido global, e segundo a que todo ser vivo evoluciona interactuando estreitamente co reino mineral, o que conformaría e modelaría a biosfera terrestre (terra e atmosfera) no seu conxunto, polo que pode ser tomada como unha entidade con vida propia. Este ente é o que chaman Gaia ou a Terra.

Esta concepción, segundo o mitólogo Joseph Campbell podería converterse nun futuro nun novo mito que concerniría xa non a un pobo ou unha localidade, senón a todo o planeta, incluíndo tódolos seres que nel viven. Este novo mito indicaría como entrar en relación coa natureza e o cosmos, e a sociedade que forma parte del sería unha sociedade global, planetaria.^[4]

Notas

↑ Bueno, Marta (2024-10-22). "Gaia y la historia de amor entre James Lovelock y Dian Hitchcock". Mujeres con ciencia (en castelán). Consultado o 2024-10-22.
↑ Lovelock, James (1979). Gaia, a new look at life on earth. Oxford ; Nova York : Oxford University Press. ISBN 978-0-19-217665-3.
↑ Margulis, Lynn (1999-10-08). Symbiotic Planet (en inglés) (Revised ed. edition ed.). Nova York: Basic Books. ISBN 978-0-465-07272-9.
↑ Joseph Campbell (1988). The power of myth. Anchor Books. ISBN 978-0-385-41886-7.

Véxase tamén

Bibliografía

Lovelock, James. Gaia: A New Look at Life on Earth. Oxford: Oxford University Press, 1979.
Margulis, Lynn. Symbiotic Planet: A New Look at Evolution. Basic Books, 1998.
Campbell, Joseph. The Power of Myth. Anchor Books, 1988.

[1] Bueno, Marta (2024-10-22). "Gaia y la historia de amor entre James Lovelock y Dian Hitchcock". Mujeres con ciencia (en castelán). Consultado o 2024-10-22.

[2] Lovelock, James (1979). Gaia, a new look at life on earth. Oxford ; Nova York : Oxford University Press. ISBN 978-0-19-217665-3.

[3] Margulis, Lynn (1999-10-08). Symbiotic Planet (en inglés) (Revised ed. edition ed.). Nova York: Basic Books. ISBN 978-0-465-07272-9.

[4] Joseph Campbell (1988). The power of myth. Anchor Books. ISBN 978-0-385-41886-7.

[1]

[2]

[3]

[4]