Herodes Agripa II

Herodes Agripa II
Nacemento	27
Lugar de nacemento	Roma
Falecemento	100
Lugar de falecemento	Roma
Soterrado	Xudea
Nacionalidade	Roma Antiga
Relixión	xudaísmo
Ocupación	político
Pai	Herodes Agripa I
Nai	Cipros
Irmáns	Berenice, Drusila e Mariamne
[ editar datos en Wikidata ]

Moeda romana de bronce de Herodes Agripa II.

Agripa II, nado en 27 e finado en 100, chamado orixinalmente Marco Xulio Agripa (en latín Marcus Iulius Agrippa) foi un antigo gobernante de Xudea durante a época do dominio romano.

Traxectoria

Bisneto de Herodes o Grande, e fillo de Herodes Agripa I que fora rei de Xudea até a súa morte no 44 (mencionada no Novo Testamento) Agripa II criouse na corte do emperador Claudio, pero debido a que tiña só dezasete anos cando morreu o seu pai, non lle deron o reino que este tiña. Máis tarde, cando morreu o seu tío, o rei Herodes de Calcis, déronlle o seu principado. O rei Herodes de Calcis casou coa irmá de Agripa II, Berenice. Máis tarde Claudio deulle a Agripa II a responsabilidade de nomear ao sumo sacerdote dos xudeus, e cambiou Calcis por algúns principados na Palestina do norte. Agripa II tamén recibiu o título de rei.

Para os lectores do Novo Testamento este rei é máis coñecido polo seu encontro con Paulo, a quen recoñeceu estar a piques de facelo cristián, de non ser polas presións políticas e familiares.

En escavacións recentes nos cimentos do Muro das Lamentacións atopáronse moedas acuñadas por Agripa II. Os arqueólogos Ronni Reich e Eli Shukrun conclúen que o muro foi construído por Agripa II, non polo seu avó Herodes o Grande como se cría até o momento.