Gonzalo Becerra Souto
| Biografía | |
|---|---|
| Nacemento | 1910  Vilaicente, España |
| Morte | 12 de febreiro de 1976 (65/66 anos) Vilaicente, España |
| Datos persoais | |
| País de nacionalidade | España |
| Actividade | |
| Ocupación | político |
Gonzalo Becerra Souto, nado en Vilaicente (As Nogais) en 1910 e finado no mesmo lugar o 12 de febreiro de 1976, foi un político galego que estivo corenta anos agochado.
Traxectoria[editar | editar a fonte]
Foi canteiro en Francia. Na época da República conducía unha camioneta baixando carbón de Fabeiro a Ponferrada. Militante da CNT. Cando se produciu o golpe de Estado do 18 de xullo de 1936 estaba na casa dos seus pais José e Rufina en Vilaicente cos seus irmáns Manuel e Ovidio. Sabéndose en perigo fuxiu co seu irmán Manuel, membro do comité comunista de Vilaicente, e agochouse en varias casas e finalmente, en agosto, no domicilio paterno. En represalia detiveron ao seu pai José Becerra Lage, que estivo preso no campo de concentración de Arnao.[1] Gonzalo agochouse nun tobo de dous metros cadrados escavado ao pé da súa casa ao que accedía de costas para poder saír de cara; saía polas noites para estirar as pernas. Foi atendido pola súa nai e o seu irmán Ovidio, que lle traía papel e novelas do Oeste. Parece que tivo contacto co guerrilleiro Abelardo Gutiérrez Alba.[2] Estivo 40 anos agochado nese tobo. Durante ese tempo escribiu un diario, que foi recuperado e doado polo seu irmán Ovidio ao proxecto As vítimas, os nomes, as voces e os lugares.
Notas[editar | editar a fonte]
- ↑ Cabana, Ana (2013). La derrota de lo épico. Valencia: Publicacions de la Universitat de València. p. 178. ISBN 978-84-370-9089-4.
- ↑ Ficha en Los de la Sierra Arquivado 04 de outubro de 2022 en Wayback Machine. (en francés)
Véxase tamén[editar | editar a fonte]
Bibliografía[editar | editar a fonte]
- Somoza Cayado, Antonio; Domínguez Almansa, Andrés; Fernández Prieto, Lourenzo (2012). "La génesis del régimen franquista en Galicia: aniquilación política y destrucción de la sociedad civil". La dictadura franquista : La institunalització d'un règim. Barcelona: Universitat de Barcelona. p. 58. ISBN 978-84-475-3553-8.