Golfo de Morbihan

Golfo de Morbihan

Tipo	baía
Parte de	Golfo de Biscaia
Localizado na área protexida	golfo de Morbihan
Localización
División administrativa	Francia
47°35′52″N 2°49′57″O
Afluentes	río Auray ,río Marle ,río de Noyalo ,río Vincin
Características
Profundidade	23 m
Área protexida da rede Natura 2000
Data	30 de xuño de 1991
Sitio natural inscrito
Data	15 de abril de 1965
Categoría IV da UICN: área de xestión de hábitat e especies
Actividade
Operador	Conservatorio do litoral

Mapa do Golfo de Morbihan.

O golfo de Morbihan (en bretón: Mor Bihan Gwened, que significa "pequeno mar") é un pequeno mar interior, situado ao sur do departamento de Morbihan, na Bretaña.

A lenda

Conta a lenda que unhas fadas foron expulsadas do bosque de Brocéliande. Verteron tantas bágoas que así se creou o golfo de Morbihan. Lanzaron nel as súas coroas de flores e estas convertéronse nas illas do golfo.

Xeografía

O golfo ten 20 km de longo e 15 km de ancho. Ábrese ao sur no océano Atlántico por unha estreita pasaxe entre as vilas de Locmariaquer e Port-Navalo, porto da vila de Arzon.

As illas

No seu interior cóntanse 43 illas. A maioría son de superficie moi reducida e non están habitadas, e moitas son propiedades privadas. As illas maiores son Izenah (Île-aux-Moines, illa dos monxes) e An Arzh (Île-d'Arz, illa do oso) e cada unha forma un concello. Outra das illas, Gavrinis, alberga unha galería megalítica de 14 m de lonxitude, e as pedras están recubertas de gravados. Outras illas albergan restos megalíticos, como Er-Lannic cun dobre cromlech formados por 40 menhires, parcialmente merguallados na marea alta.

Actividades

Tradicionalmente, a actividade económica dos habitantes tanto das illas como das ribeiras do golfo sempre estivo moi estreitamente ligada ao mar: a pesca, a colleita de moluscos, as salinas. Case todas as salinas foron transformadas no século XX en parques ostreícolas, aínda que algunhas están sendo recuperadas para a produción artesanal de sal. Máis recentemente a maior actividade económica do golfo xira en torno ao turismo.

Natureza

O golfo de Morbiban constitúe unha gran reserva ornitolóxica, con todo tipo de aves tanto de estancia permanentes como en escala migratoria ou en período de cría. Desde 2008 é Reserva Nacional de Caza e de Fauna Silvestre.

Véxase tamén

Ligazóns externas

• Vistas aéreas do golfo de Morbihan Arquivado 01 de abril de 2016 en Wayback Machine.
• Illa Gavrinis Arquivado 10 de marzo de 2016 en Wayback Machine.