Germán Caamaño Solar
| Biografía | |
|---|---|
| Nacemento | 1885  Negreira, España |
| Morte | 1976 (90/91 anos) |
| Datos persoais | |
| País de nacionalidade | España |
| Actividade | |
| Lingua | Lingua castelá |
Germán Caamaño Solar, nado en Negreira en 1885 e finado en Santiago de Compostela en 1976, foi un médico, xornalista e escritor galego.
Traxectoria[editar | editar a fonte]
Fillo de Manuel Caamaño García e Manuela Solar, estudou Medicina na Universidade de Santiago de Compostela. Médico e inspector de Sanidade en Negreira e Santiago de Compostela. Dirixiu o balneario Acuña de Caldas de Reis e o dos Ánxeles (Brión). Foi profesor auxiliar de Fisioloxía na Universidade Compostelá no curso 1922-23.
Colaborou en La Federación de Negreira y Baña con temas de hipnotismo e educación infantil, en El Ideal Gallego e publicou tamén sobre temas de hidroloxía galega, en Galicia Clínica (1929). Escritor afeccionado a temas filosóficos, publicou o libro de ensaios Luz en tu sombra (1948) co pseudónimo Xherman Kmam.
Vida persoal[editar | editar a fonte]
Era tío de José e Carlos Reino Caamaño. Casou na Coruña en 1921 con Emilia Suevos de la Cruz, filla do comerciante coruñés Félix Suevos Rodríguez[1].
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Liñares Giraut, X. Amancio; Lista Liñares, Omayra (2007). TresCtres, ed. Prensa e comarca. Medios de comunicación en Negreira, A Baña e Brión no século XX. Ames. pp. 83–84. ISBN 978-84-935562-7-3.