Georgii Brianchaninov

Georgii Brianchaninov
Nome orixinal	(ru) Георгий Брянчанинов
Biografía
Nacemento	(ru) Глеб Анатольевич Брянчанинов ; 8 de xuño de 1919 ; Blagoveshchensk, Rusia
Morte	5 de abril de 2018 (98 anos)
Relixión	Igrexa católica
Familia
Familia	Q4097576

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Georgii Brianchaninov (en ruso: Георгий Брянчанинов), nado como Gleb Anatolevich Brianchaninov (en ruso: Глеб Анатольевич Брянчанинов) o 8 de xuño de 1919 en Blagoveshchensk (RSFS de Rusia) e finado o 5 de abril de 2018 en Melbourne (Australia), foi un relixioso grecocatólico ruso, arquimandrita e membro do apostolado na diáspora.

Traxectoria

Naceu nunha familia ortodoxa, e foi bautizado co nome de Gleb. Emigrou xunto aos seus pais á China, onde en 1937 graduouse pola escola de San Nicolao de Harbin. Pouco despois entrou na Igrexa católica, e o 4 de decembro de 1938 ingresou na Congregación dos Padres Marianos, tomando o nome monástico de "Georgii".^[1] A partir de maio de 1939 estudou en Roma, en 1944 foi ordenado sacerdote polo bispo Aleksandr Evreinov, e en 1947 doutorouse cunha tese sobre san Xoán Crisóstomo. O xeneral da súa orde Petras Pranciškus Būčys encargoulle entón traballar a prol dos cativos rusos en campos de refuxiados en Europa occidental, e até 1950 traballou no Comité Ruso para os Refuxiados da Santa Sé, trasladándose a Londres en 1956.

En 1957 trasladouse a Australia para colaborar con Andrei Katkov, compañeiro seu de estudos e de orde relixiosa. Xuntos fundaron o Centro Misioneiro para Católicos Orientais de Melbourne, atendendo aos católicos rusos que chegaban ao país.^[2] A comezos da década de 1990, xa con cidadanía australiana, viaxou varias veces a Rusia, e até finais de 2007 viviu no Centro que fundara, e posteriormente nunha residencia sacerdotal en Northcote (un suburbio de Melbourne). Alí finou o 5 de abril de 2018.^[3]

En 2002 foi distinguido polos seus servizos á comunidade, recibindo o premio á multiculturalidade do estado de Victoria.^[4]

Notas

↑ Николаев, Константин Николаевич (2005). Експансия Рима в Россию: восточный обряд (en ruso). p. 169. Два воспитанника лицея — Аполлон Котков и Глеб Брянчанинов , окончившие лицей один с золотой , а другой с серебряной медалями , 4 декабря 1938 г . приняли монашество и вошли в орден марианов «восточного обряда».
↑ Conferencia dos Bispos Católicos Australianos, ed. (6 de xuño de 2014). "Marian Fathers MIC". CathNews (catnews.com) (en inglés). Arquivado dende o orixinal o 05 de novembro de 2020. Consultado o 30/10/2020. Two Marians currently live and work in Australia, under the direction of the Marians' Superior General. Fr George Brianchaninoff, MIC, used to work with Eastern-Rite Catholics, but is now retired.
↑ "Архимандрит Георгий Брянчанинов (1919-2018)". russiansinaustralia.info (en ruso). 17 de abril de 2018. Arquivado dende o orixinal o 11 de abril de 2021. Consultado o 31/10/2020. 5 апреля 2018 не стало Георгия Брянчанинова.
↑ "Alphabetical list of all successful individuals who have received Adwars for Excellenc in Multicultural Affairs" (PDF). Victorian Multicultural Commission (multiculturalcommission.vic.gov.au). Arquivado dende o orixinal (PDF) o 18/02/2021. Consultado o 30/10/2020. Fr George Brianchaninoff M.I.C. Meritorious Service in the Community 2002.

[1] Николаев, Константин Николаевич (2005). Експансия Рима в Россию: восточный обряд (en ruso). p. 169. Два воспитанника лицея — Аполлон Котков и Глеб Брянчанинов , окончившие лицей один с золотой , а другой с серебряной медалями , 4 декабря 1938 г . приняли монашество и вошли в орден марианов «восточного обряда».

[2] Conferencia dos Bispos Católicos Australianos, ed. (6 de xuño de 2014). "Marian Fathers MIC". CathNews (catnews.com) (en inglés). Arquivado dende o orixinal o 05 de novembro de 2020. Consultado o 30/10/2020. Two Marians currently live and work in Australia, under the direction of the Marians' Superior General. Fr George Brianchaninoff, MIC, used to work with Eastern-Rite Catholics, but is now retired.

[3] "Архимандрит Георгий Брянчанинов (1919-2018)". russiansinaustralia.info (en ruso). 17 de abril de 2018. Arquivado dende o orixinal o 11 de abril de 2021. Consultado o 31/10/2020. 5 апреля 2018 не стало Георгия Брянчанинова.

[4] "Alphabetical list of all successful individuals who have received Adwars for Excellenc in Multicultural Affairs" (PDF). Victorian Multicultural Commission (multiculturalcommission.vic.gov.au). Arquivado dende o orixinal (PDF) o 18/02/2021. Consultado o 30/10/2020. Fr George Brianchaninoff M.I.C. Meritorious Service in the Community 2002.

[1]

[2]

[3]

[4]