Georgii Brianchaninov

Na Galipedia, a Wikipedia en galego.
Saltar ata a navegación Saltar á procura
Georgii Brianchaninov
Sacerdote da Igrexa católica bizantina rusa
Biografía
Nacemento8 de xuño de 1919 en Blagoveshchensk, RSFS de Rusia
Pasamento5 de abril de 2018 en Melbourne, Australia
Ordes
Ordenación sacerdotal1944, por Aleksandr Evreinov

Georgii Brianchaninov (en ruso: Георгий Брянчанинов), nado como Gleb Anatolevich Brianchaninov (en ruso: Глеб Анатольевич Брянчанинов) o 8 de xuño de 1919 en Blagoveshchensk (RSFS de Rusia) e finado o 5 de abril de 2018 en Melbourne (Australia), foi un relixioso grecocatólico ruso, arquimandrita e membro do apostolado na diáspora.

Traxectoria[editar | editar a fonte]

Naceu nunha familia ortodoxa, e foi bautizado co nome de Gleb. Emigrou xunto aos seus pais á China, onde en 1937 graduouse pola escola de San Nicolao de Harbin. Pouco despois entrou na Igrexa católica, e o 4 de decembro de 1938 ingresou na Congregación dos Padres Marianos, tomando o nome monástico de "Georgii".[1] A partir de maio de 1939 estudou en Roma, en 1944 foi ordenado sacerdote polo bispo Aleksandr Evreinov, e en 1947 doutorouse cunha tese sobre san Xoán Crisóstomo. O xeneral da súa orde Petras Pranciškus Būčys encargoulle entón traballar a prol dos cativos rusos en campos de refuxiados en Europa occidental, e até 1950 traballou no Comité Ruso para os Refuxiados da Santa Sé, trasladándose a Londres en 1956.

En 1957 trasladouse a Australia para colaborar con Andrei Katkov, compañeiro seu de estudos e de orde relixiosa. Xuntos fundaron o Centro Misioneiro para Católicos Orientais de Melbourne, atendendo aos católicos rusos que chegaban ao país.[2] A comezos da década de 1990, xa con cidadanía australiana, viaxou varias veces a Rusia, e até finais de 2007 viviu no Centro que fundara, e posteriormente nunha residencia sacerdotal en Northcote (un suburbio de Melbourne). Alí finou o 5 de abril de 2018.[3]

En 2002 foi distinguido polos seus servizos á comunidade, recibindo o premio á multiculturalidade do estado de Victoria.[4]

Notas[editar | editar a fonte]

  1. Николаев, Константин Николаевич (2005). Експансия Рима в Россию: восточный обряд (en ruso). p. 169. Два воспитанника лицея — Аполлон Котков и Глеб Брянчанинов , окончившие лицей один с золотой , а другой с серебряной медалями , 4 декабря 1938 г . приняли монашество и вошли в орден марианов «восточного обряда». 
  2. Conferencia dos Bispos Católicos Australianos, ed. (6 de xuño de 2014). "Marian Fathers MIC". CathNews (catnews.com) (en inglés). Consultado o 30/10/2020. Two Marians currently live and work in Australia, under the direction of the Marians' Superior General. Fr George Brianchaninoff, MIC, used to work with Eastern-Rite Catholics, but is now retired. 
  3. "Архимандрит Георгий Брянчанинов (1919-2018)". russiansinaustralia.info (en ruso). 17 de abril de 2018. Consultado o 31/10/2020. 5 апреля 2018 не стало Георгия Брянчанинова. 
  4. "Alphabetical list of all successful individuals who have received Adwars for Excellenc in Multicultural Affairs" (PDF). Victorian Multicultural Commission (multiculturalcommission.vic.gov.au). Arquivado dende o orixinal (PDF) o 18/02/2021. Consultado o 30/10/2020. Fr George Brianchaninoff M.I.C. Meritorious Service in the Community 2002.