Fundación Vicente Risco
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
| Fundación Vicente Risco | |
|---|---|
 Casa museo de Vicente Risco. Sede da fundación | |
| Tipo | Cultural |
| Data de fundación | 12 de abril de 1995 |
| Nomeado en referencia a | Vicente Risco |
| Presidente/a | Celia Pereira Porto (2021-)  |
| Premios | Premio Otero Pedrayo |
| Localización | |
| Sede | Casa museo de Vicente Risco |
| Enderezo | Rúa San Lourenzo |
| En | Allariz |
| País | Galicia |
| Na rede | |
| https://www.fundacionvicenterisco.com | |
| [ editar datos en Wikidata ] | |
A Fundación Vicente Risco é unha institución cultural galega constituída o 12 de abril de 1995 dedicada ao escritor, político e ensaísta galego Vicente Risco. Ten a súa sede en Allariz, no nº 3 da rúa de San Lourenzo, na casa da muller de Vicente Risco, Carmen Fernández, e na que naceron os seus fillos: Carmen (morta prematuramente), Antón, María Jesús e Cruz. Na actualidade, é propiedade do municipio.
Obxectivos
[editar | editar a fonte]O principal obxectivo da fundación é seleccionar documentación para poñer a disposición dos estudosos e investigadores. Nela custódianse dous fondos bibliográficos, documentais e plásticos de Vicente Risco e do seu fillo, Antón, en fase de catalogación e dixitalización. A intención da fundación é ir subindo documentos na web para facilitar o traballo dos investigadores. Ademais, pódese descargar a obra publicada de Vicente Risco practicamente na súa totalidade.
Por outro lado, esta institución ocúpase de promover obras, eventos e premios literarios en diferentes categorías coa intención de contribuír ao desenvolvemento da literatura galega.
Instalacións
[editar | editar a fonte]Na entrada, hai uns paneis que explican brevemente o labor de Risco.
No baixo, nas antigas cortes e bodega, hai unha sala multiúsos preparada para exposicións temporais. Ademais, nesta planta fanse actividades para grupos de até setenta persoas.
O primeiro piso conta cun salón modernista, no que se celebran concertos de cámara, recitais de poesía, presentacións de libros e actividades de pequeno formato. Á súa dereita, encóntrase unha recreación do despacho de Risco. O orixinal estaba situado na rúa Santo Domingo de Ourense.
Enriba dese primeiro andar, na actualidade[cando?], estase a reorganizar o espazo coa intención de inaugurar a finais de maio[cando?] unha sala con caricaturas de Vicente Risco, e unha exposición permanente sobre O porco de pé a cargo de Xabier Varela. No último piso está a parte administrativa da institución. É o lugar onde se organizan os arquivos e onde están os despachos de traballo.
Promoción de premios
[editar | editar a fonte]Fundación Vicente Risco promove, en colaboración con outras entidades e institucións, os seguintes premios:
- Premio Vicente Risco de Creación Literaria (Concello de Ourense, en homenaxe a Vicente e Antón Risco)
- Vicente Risco de Ciencias Sociais (de ámbito galego portugués, en colaboración cos Concellos de Castro Caldelas e Allariz, e a UTAD-CEDRAT)
- Premio Antón Risco de Literatura Fantástica (de ámbito galego portugués, en colaboración con Fina Rei, reposteiros Artesáns; Libraría Aira das Letras; Livraria Traga Mundos de Vila Real)
Promoción de eventos
[editar | editar a fonte]
A Fundación promove as Xornadas Romasanta. Nas tres últimas edicións convidáronse escritores que prepararon un conxunto de relatos curtos no xénero de terror e fantástico.
Alén doutras actividades puntuais, en especial nas Letras Galegas, a Fundación promove:
- Ciclo de cine clásico Caspervek. Cine mudo en directo (4 sesións ao ano, que se celebran no Espazo Ben Común de Allariz).
- Ciclo e Cámara Petiscos Musicais, catro concertos ao ano na sala do piano do primeiro andar da Fundación.
- Actividades poéticas como "Ponme un poema" durante a fin de semana máis próxima ao día internacional da poesía.
- Poetas na corte d´el Rei Sabio (en colaboración con Yolanda Castaño)
- Poemagosto, celebrado en outubro.
Do mesmo xeito, a fundación está a impulsar a Oficina Utriculari, na que o grupo de Cámara Residente na Fundación Ensembre Hotteterre está a recuperar, baixo a dirección de Paulo Gonçalves, a gaita de fol para a música erudita.
Ademais, esta impulsou o grupo "Cultura que une", que en colaboración con outras entidades portuguesas está a promover o intercambio de experiencias entre escritores, poetas, fotógrafos e artistas plásticos de Galiza e Norte de Portugal.
Literatura impulsada pola fundación
[editar | editar a fonte]A Fundación ten unha liña editorial chamada Doutor Alveiros, onde alén das obras de Vicente e Antón Risco, pretende promover os premios e xornadas que se organizan, así como obras que sexan do interese da Fundación.
Algunhas das obras de literatura galega impulsadas son as seguintes:
- Reflexións en torno ao medio rural: cursos de verán da Fundación Vicente Risco, Allariz 2008-2009 (Fundación Vicente Risco, 2010)
- Vicente Risco: O mestre sempre vivo (La Voz de Galicia, 2003)
- Análise estrutural e simbólica do mito da moura (Rafael Quintía, editado pola Fundación Vicente Risco en 2016)
- Do caso que lle aconteceu ao Doutor Alveiros (Fundación Vicente Risco, 2013)
- Pan negro (Emilio Teixidor, 2011)
- Dédalus en Compostela (Vicente Risco, editado pola Fundación Vicente Risco en 2010)
- Dibujos de Lobeira (Xurxo Lorenzo Fernández, editado pola Fundación Vicente Risco en 2010)
- Teoría do nacionalismo galego (Vicente Risco, editado por Sotelo Blanco no ano 2000)
Véxase tamén
[editar | editar a fonte]Ligazóns externas
[editar | editar a fonte]- Páxina web da Fundación Vicente Risco
- Fundación Vicente Risco Turismo de Galicia. Xunta.