Fritz Strassmann

Fritz Strassmann
	;
Biografía
Nacemento	(de) Friedrich Wilhelm Straßmann ; 22 de febreiro de 1902 ; Boppard, Alemaña
Morte	22 de abril de 1980 (78 anos); Maguncia, Alemaña
Residencia	Alemaña
Educación	Leibniz Universität Hannover
Director de tese	Otto Hahn
Actividade
Campo de traballo	Química, química analítica e Fisión nuclear
Lugar de traballo	Maguncia
Ocupación	químico, científico nuclear, profesor universitario, membro da resistencia
Empregador	Universidade de Maguncia ; Sociedade Kaiser Wilhelm ; Instituto de Química Max Planck (pt)
Membro de	Os Dezoito de Göttingen (pt)
Familia
Irmáns	Otto Straßmann
Premios
	(16 de xullo de 1985) Xustos entre as Nacións; (1966) Premio Enrico Fermi ;
Descrito pola fonte	Fiziki, (p.304)

Fritz Strassmann (Boppard, 22 de febreiro de 1902 - Maguncia, 22 de abril de 1980) foi un químico analítico alemán.

Traxectoria

Formouse na Escola Técnica Superior da cidade de Hannover e foi investigador do Instituto Kaiser Wilhelm entre os anos 1929 e 1945. Negouse a unirse ao Partido Nazi ou a calquera organización afín, e pasou a colaborar con Otto Hahn, con quen descubriu en 1938 que cando se bombardeaba con neutróns o núcleo dun átomo este fragmentábase en dous átomos máis pequenos. Este fenómeno, coñecido coma fisión nuclear, foi a base das primeiras bombas atómicas así coma dos reactores nucleares.

Levou a cabo tamén diversos estudos referidos ao grupo de elementos químicos coñecidos como transuránidos. En 1946 foi nomeado profesor de química inorgánica da Universidade de Maguncia e en 1953 director do departamento de química do Instituto Max Planck.