Fernando García Agudín

Fernando García Agudín
Biografía
Nacemento	11 de xaneiro de 1935 (91 anos); A Coruña
Deputado no Congreso dos Deputados
	18 de novembro de 1982 – 23 de abril de 1986 ; Lexislatura: II lexislatura de España ; Circunscrición electoral: Circunscrición electoral da Coruña ; Electo en: Eleccións Xerais 1982 en España
Actividade
Ocupación	político
Descrito pola fonte	Quen é quen no primeiro Parlamento Galego

Fernando García Agudín, nado na Coruña o 11 de xaneiro de 1935, é un político galego.

Traxectoria

Licenciado en Dereito pola Universidade de Santiago de Compostela en 1956, foi avogado do Estado dende 1961 e xefe da avogacía do Estado na Coruña dende 1978. Foi tenente de alcalde do concello da Coruña (1971-1974) e representante de Galicia na Xunta Democrática de España (1974-1975). Líder de Esquerda Democrática Galega durante a transición, fundou en xullo de 1976 o Partido Popular Galego ao unirse á Unión Democrática de Galicia, liderada por Xaime Illa Couto. Foi deputado pola UCD no Parlamento de Galicia pola Coruña na I lexislatura (1981-1985) e no Congreso na II lexislatura (1982-1986). Posteriormente integrouse en Coalición Galega da que foi elixido presidente no congreso de outubro de 1986^[1]. O 11 de abril de 1987 como representante de Coalición Galega constituíu na Coruña a Coalición Progresista Galega, con José María Pardo Montero polo Partido Liberal e Enrique Marfany polo PDP.

Porteiro, María Xosé; Perozo, Xosé Antonio (1981). "Fernando García Agudín". Quén é quén no primeiro Parlamento Galego. Vigo: Xerais. pp. 158–161. ISBN 84-7507-044-2.