Fento do cabeliño

Fento do cabeliño
	Culcita macrocarpa ; Carl Presl 1836
	Nome curto C. macrocarpa (mul)
	Instancia de taxon
	Categoría taxonómica especie
	Conservación Especie case ameazada
Clasificación taxonómica
Reino	Plantae
Clase	Polypodiopsida
Orde	Cyatheales
Familia	Culcitaceae
Xénero	Culcita
Especie	Culcita macrocarpa ; C.Presl, 1836 Culcita macrocarpa
ITIS
Códigos e identificadores
ITIS
ITIS	897842
OTT	636711
UICN	162293
CoL	6C2NS
WFO	wfo-0001116338
	Wikidata C:Commons

O fento do cabeliño^[1] (Culcita macrocarpa C.Presl 1836), é unha especie de fento pertencente á familia Culcitaceae presente na rexión macaronésica e no sur de Europa incluíndo Galiza. En portugués chámase feto-de-cabelinho ou feto-abrum.

Esta especie está incluída na lista de especies vermellas en perigo crítico de extinción e protexida pola Directiva Hábitat.^[2].

Descrición

Fento isospóreo perenne cun rizoma groso e rastreiro caracteristicamente cuberto de páleas piliformes de cor avermellada con función protectora. Estes rizomas poden chegar a medir máis dun metro de lonxitude e bifurcarse. Frondes que poden superar os 2 metros de longo con láminas bi a pentapinnadas con pinnas asaetadas de consistencia coriácea. O pecíolo adoita ter a mesma lonxitude cá lámina. Posúe soros reniformes marxinais no extremo das nerviacións protexidos por un indusio formado por dúas valvas, unha formada por un verdadeiro indusio e a outra formada por unha prolongación da propia lámina. Esporanxios piriformes con maduración basípeta e anel oblicuo, esporas triletas.

Hábitat

Este fento medra en zonas de elevada humidade tanto de solo como da atmosfera e escasas oscilacións térmicas. O substrato ideal para o seu desenvolvemento é aquel moi rico en humus e situado en sombra continuamente. O hábitat máis favorábel logo para o seu desenvolvemento son os bosques riparios achegados á beiramar; condicións moi comúns en Galiza.

Distribución

Esta especie paleomediterránea é un supervivente dos bosque tropicais propios da Era Terciaria europea. Hoxe como endemismo Ibero-Macaronésico ten as súas poboacións extremadamente ameazadas, e reducidas a uns poucos puntos relictos na Península Ibérica: Cornixa Cantábrica e zona norte de Galiza, serras de Alxeciras e do Porto e tres poboacións nas illas dos Azores, Madeira e Tenerife na Macaronesia.

En Galiza atopámola na Serra da Groba e nas Fragas do Eume entre outros sitios.

Notas

↑ Nome común galego en MiniAtlas Xeobotánico de Galicia - http://www.vexetaciondegalicia.es/fento.php?id=culcita^{[Ligazón morta]}
↑ Na seguinte Web Arquivado 29 de setembro de 2007 en Wayback Machine. pódense ver fotografías deste fento e o mapa de distribución nacional.

Véxase tamén

Outros artigos

Catálogo galego de especies ameazadas

[1] Nome común galego en MiniAtlas Xeobotánico de Galicia - http://www.vexetaciondegalicia.es/fento.php?id=culcita^{[Ligazón morta]}

[2] Na seguinte Web Arquivado 29 de setembro de 2007 en Wayback Machine. pódense ver fotografías deste fento e o mapa de distribución nacional.

[1]

[2]