Félix Biet

Na Galipedia, a Wikipedia en galego.
Saltar ata a navegación Saltar á procura
Félix Biet
Félix Biet.jpg
O bispo Félix Biet
Nacemento21 de outubro de 1838
 Langres, Alto Marne
Falecemento9 de setembro de 1901
 Saint-Cyr-au-Mont-d'Or, Ródano
Nacionalidadefrancesa
RelixiónCatólica romana
Ocupaciónmisioneiro, bispo, entomólogo, ornitólogo
editar datos en Wikidata ]

Félix Biet, nado o 21 de outubro de 1838 en Langres, Alto Marne, e finado o 9 de setembro de 1901 en Saint-Cyr-au-Mont-d'Or, Ródano, foi un misioneiro e naturalista francés.

Traxectoria[editar | editar a fonte]

Biet naceu en 1838. Foi ordenado sacerdote en 1864. Foi enviado pola Sociedade de Misións Estranxeiras de París a Tatsienlu, no Tíbet (hoxe coñecida como Dartsedo en tibetano e Kangding en chinés), como misioneiro, en barco, vía O Cairo, Adén, Singapur, Saigón e Shanghai.

Foi consagrado bispo e encargado do vicariado apostólico do Tíbet, hoxe diocese de Kangding, en 1898.

Félix Biet recolleu bolboretas para Charles Oberthür, que lle dedicou tres novas especies (Thecla bieti, Pantoporia bieti e Anthocharis bieti).

Outros autores dedicáronlle a Biet numerosas especies:

Alphonse Milne-Edwards describiu o gato de montaña chinés (Felis bieti). O cercopiteco Rhinopithecus bieti, recollido e enviado a París por Jean-André Soulié.[1] Garrulax bieti unha ave paseriforme da familia dos leiotríquidos endémica da China, foi outro descubrimento, nomeado por Émile Oustalet en 1897.

Exemplares destas especies están nas coleccións de historia natural do Tíbet e China do Museo Nacional de Historia Natural de Francia de París.

Félix Biet volveu a Francia ao final da súa vida por motivos de saúde. Sucedeulle o bispo Pierre-Philippe Giraudeau, coadxutor seu desde 1897.

Notas[editar | editar a fonte]

Véase tamén[editar | editar a fonte]

Bibliografía[editar | editar a fonte]

  • Adrien Launay (1916): Mémorial de la Société des missions étrangères. París: Séminaire des Missions-Étrangères.
  • Bo Beolens & Michael Watkins (2003): Whose Bird? Common Bird Names and the People They Commemorate. New Haven / Londres: Yale University Press. ISBN 0-3001-0359-X.
  • Françoise Fauconnet-Buzelin (2012): Les Martyrs oubliés du Tibet. Chronique d'une rencontre manquée (1855-1940). París: Éditions du Cerf, col. Petit Cerf. ISBN 978-2-2040-9593-8.