Evasión do Ciudad de Montevideo

A evasión do Ciudad de Montevideo foi a fuxida de republicanos galegos desde Malpica de Bergantiños a Douarnenez, no departamento de Finistère da Bretaña francesa, o 28 de xuño de 1937.

Historia

A motora Ciudad de Montevideo fora construída en madeira en 1932, tiña unha eslora de 12,5 metros e unha manga de algo máis de 3 metros. Alcanzaba unha velocidade máxima de 5 millas por hora. Era propiedade de Evaristo Pose Doldán. A madrugada do 28 de xuño, con nove membros na súa tripulación, o Ciudad de Montevideo iniciou a fuga. Antonio Suárez Blanco era o patrón do barco. Bernardino Garrido era membro de Izquierda Republicana e un dos principais fuxitivos.

Na enseada das Lapas, ao pé da Torre de Hércules da Coruña, recolleron a Antonio Pose “Xornes” de Malpica e a Balbino Oroza Otero, o seu cuñado, de Rinlo. Un destrutor nazi que apoiaba o bloqueo do mar Cantábrico pola frota franquista confundiunos con náufragos e deulles comida, combustible e marcoulles o rumbo para chegar a Brest. Os fuxidos foron xulgados en Ferrol na causa 253/1937.

Os once fuxidos foron Bernardino Martín Garrido Carrillo, Antonio Suárez Blanco, Jesús Suárez Blanco, José Suárez Blanco, David Suárez Blanco, Ramón Arcay Novo, Bernardino Arcay Novo, Luís Blanco Martínez, Cándido Rodríguez Villar, Antonio Pose Castiñeiras e Balbino Oroza Otero.

Véxase tamén

Bibliografía

Pereira, Dionisio (2011). Loita de clases e represión franquista no mar (1864-1939) (PDF). Vigo: Xerais. ISBN 978-84-9914-182-4.
Redondo Abal, Francisco Xavier (2011). O mar e a memoria. O expediente Armesto. A Coruña: Laiovento. ISBN 978-84-8487-221-4.

Outros artigos

Ligazóns externas

Rodríguez, Víctor: "60 hombres. Documento de guerra" O Talieiro, Revista Cultural da A. C. Tralla. Ano 2001, número 1 (en castelán).
Varela, Pablo (12-12-2018). "A grande evasión de Malpica". Luzes.
O Poliño, ou como fuxir da Guerra dende Malpica Arquivado 09 de xaneiro de 2019 en Wayback Machine.