Milla náutica
| Milla náutica | |||||||||
|---|---|---|---|---|---|---|---|---|---|
 | |||||||||
|
Instancia de
| |||||||||
|
Magnitude física
| |||||||||
|
Conversión a SI
1.852 m  | |||||||||
|
Conversión a estándar
1,852 km
0,999330901556 US nmi 0,9993611 UK nmi 72.913,39 pulgadas 1,15077944802 millas 6.076,116 pés 2.025,372 iardas | |||||||||
| |||||||||
| Wikidata C:Commons | |||||||||
A milla náutica é unha unidade de medida internacional, a máis común para medir as distancias no mar.
Medida
[editar | editar a fonte]A definición da milla mariña está relacionada coas dimensións da Terra. É a distancia equivalente a un arco dun minuto sobre un círculo máximo. Tomando como círculo máximo o Ecuador, a división da lonxitude da liña ecuatorial (redondeada en 40.000 km para o cálculo) entre os 21.600 minutos totais dá como cociente 1.851,85 m, que normalmente se redondea a 1.852 m, e esa é a lonxitude da milla náutica.
Con todo, a Terra non é unha esfera perfecta, polo que se se considera un círculo máximo outro que o ecuador, como pode ser un meridiano, a medición da milla náutica pode variar nuns poucos metros segundo a localización. Polo tanto, a Conferencia Hidrográfica Extraordinaria Internacional de Mónaco adoptou en 1929 unha milla náutica de exactamente 1.852 metros. Nun día unificouse o valor da milla náutica en todo o mundo, excepto para os EUA que se engadiron a esta definición en 1954 e os ingleses e o seu imperio que o fixeron en 1970, abandonando a súa milla do almirantado de 1.853,184 m ou 6.080 ft.
Ademais, 1 milla náutica pódese dividir en 10 cables, entón 1 cable equivale a 185,2 metros.
Outra unidade relacionada é o nó, que se define como a velocidade dunha milla náutica por unidade de hora.
En cartas náuticas (proxección Mercator) cada minuto de latitude medido sobre as marxes esquerdo ou dereito representan unha milla.
Véxase tamén
[editar | editar a fonte]Outros artigos
[editar | editar a fonte]- Milla (a terrestre).
