Estado de Chuuk

Estado de Chuuk
Localización
	7°25′N 151°47′L / 7.42, 151.78Coordenadas: 7°25′N 151°47′L / 7.42, 151.78
Estado	Estados Federados de Micronesia
Capital	Weno (pt)
Poboación
Poboación	48.654 (2010) (418,71 hab./km²)
Lingua usada	Pááfang (en) ; Língua mortlockesa (pt) ; Língua namonuito (pt) ; Pulutawês (pt) ; Lingua chuuk
Xeografía
Superficie	116,2 km²
Organización política
• Xefe do goberno	Alexander Narruhn (pt) (2021–)
Identificador descritivo
Fuso horario	UTC+10 (pt)
ISO 3166-2	FM-TRK

O Estado de Chuuk (tamén coñecido como Truk) é un dos catro estados dos Estados Federados de Micronesia (FSM). Os outros estados son Kosrae, Pohnpei e Yap. Componse de varios grupos de illas:

Chuuk
Nomwisofo
Illas Hall
Atol Namonuito (Illas Magur) (noroeste)
Pattiw (Illas occidentais)
Illas do Leste (Illas Upper Mortlock)
Illas Mortlock

Chuuk é o estado máis poboado da FSM con 50.000 habitantes en 120 quilómetros cadrados. O atol Chuuk é onde vive a maioría da xente, a illa de Weno no atol fai as funcións de capital do estado e é a cidade máis grande dos FSM.

Historia[editar | editar a fonte]

Chuuk era un dos seis distritos do Territorio en Fideicomiso das Illas do Pacífico (TTPI), administrados polos Estados Unidos baixo carta das Nacións Unidas desde o final da segunda guerra mundial a mediados da década de 1980. A terminación da administración estadounidense de Chuuk, Yap, Kosrae, Pohnpei, e os distritos das Illas Marianas do TTPI produciuse o 3 de novembro de 1986. O Estados Federados de Micronesia, incluíndo Chuuk, Yap, Kosrae e Pohnpei, foi creado en 1979 e asinou un Tratado de libre Asociación cos Estados Unidos (efectivo a partir do 3 de novembro de 1986).

O 2 de xullo de 2002, as fortes choivas da tormenta tropical Chataan causaron máis de trinta deslizamientos de terra que mataron a corenta e sete habitantes e feriron a outras ducias de persoas, no desastre climático máis letal do estado. Os deslizamientos producíronse durante todo o día, algúns a poucos minutos o un do outro.

Xeografía[editar | editar a fonte]

Ao oeste atópase o Estado de Yap. Ao leste atópanse os Estado de Pohnpei e Kosrae máis cara ao leste.

O núcleo de poboación principal do estado de Chuuk é o atol Chuuk, un grande arquipélago de illas montañosas rodeadas por unha cadea de illotes na Barreira de Coral. ^{[Cómpre referencia]} As dúas principais divisións xeográficas e dialécticas do atol de Chuuk son Faichuuk, nas illas occidentais, e Namoneas, nas illas orientais.

O Estado de Chuuk tamén inclúe varias illas de máis baixa densidade de poboación o grupo das "illas exteriores", incluíndo as illas de Mortlock cara ao sueste, as Illas Hall (Pafeng) ao norte, o atol Namonuito ao noroeste, e a rexión do Pattiw a oeste. A Rexión de Pattiw é de particular interese, xa que ten algunhas das illas máis tradicionais do Pacífico e está culturalmente relacionada coas illas exteriores de Yap. Este grupo inclúe as illas de Pollap, Tamatam, Poluwat e Houk. Hoxe en día aínda se poden atopar mestres navegadores tradicionais, considérase que Poluwat e Pollap teñen algúns dos mellores navegantes oceánicos en canoa do Pacífico. Nas illas da Rexión de Pattiw, e algunhas das illas de Yap, atópanse a día de hoxe as dúas últimas escolas de navegación, Weriyeng e Faaluush. Visitar a Rexión de Pattiw no oeste, é difícil debido á falta de transporte fiable. Houk probablemente ten a pista de aterraxe máis accesible na Rexión de Pattiw, con avións que aterran cada unha ou dúas semanas.

Clima[editar | editar a fonte]

Datos climáticos para Weno, Chuuk
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Anual
Temperatura máxima en °C	33	32	32	33	33	33	33	33	34	33	33	33	34
Media máxima en °C	29,9	29,9	30,2	30,4	30,7	30,7	30,6	30,7	30,7	30,7	30,7	30,2	30,4
Media diaria en °C	27,4	27,5	27,6	27,7	27,8	27,7	27,4	27,4	27,5	27,6	27,7	27,6	27,6
Media mínima en °C	24,9	25,0	25,1	25,0	24,9	24,6	24,2	24,2	24,2	24,3	24,6	25,0	24,7
Temperatura mínima en °C	21	21	22	22	21	21	21	21	20	19	21	21	19
Precipitación media mm	228,1	163,1	229,9	291,1	354,1	300,7	365	349,8	306,6	361,4	281,9	293,4	3 525
Media de días con precipitacións (≥ 1.0 mm)	14,8	12,2	14,9	16,2	21,2	20,3	20,8	21,0	18,6	20,0	20,0	18,8	218,8
Humidade relativa media (%)	78,7	77,7	78,7	81,0	82,6	82,9	83,9	83,2	83,0	83,1	81,9	80,8	81,6
Media de horas de sol mensuais	195,3	197,8	217,0	195,0	192,2	180,0	195,3	195,3	177,0	161,2	162,0	167,4	2 235,5
Fonte #1: Hong Kong Observatory (sun 1961-1990)^[1]
Fonte #2: NOAA ^[2]

Demografía[editar | editar a fonte]

Chuuk é o máis poboado dos Estados dos FSM. No censo realizado o 1 de abril de 2000, tiña 53.595 habitantes, en comparación con 34.486 de Pohnpei, 11.241 de Yap e 7.686 de Kosrae, no censo celebrado o 4 de abril de 2010, tiña 48.654 habitantes, en comparación cos 36.196 de Pohnpei, 11.377 de Yap e 6.616 de Kosrae.^[3]

Cultura[editar | editar a fonte]

Misión xesuíta en Weno[editar | editar a fonte]

A provincia de Nova York da Compañía de Xesús (os Xesuítas) manteñen unha escola na misión na illa de Weno en Chuuk. A Xavier High School atópase no antigo centro de comunicacións xaponés. É unha institución mixta, teñen estudantes de todos os grupos da illa dos Estados Federados de Micronesia, así como de Palau e as Illas Marshall. Os mestres son xesuítas e segrares que proveñen de Micronesia, os Estados Unidos, Indonesia, o Xapón e Australia. Todos os mestres laicos son voluntarios.

Posesión espiritual[editar | editar a fonte]

Aínda que Chuuk é unha sociedade abafadoramente Cristián, aínda existen crenzas tradicionais da posesión de espíritos polos mortos. Ao parecer, estes espíritos posúen maioritariamente ás mulleres, e a posesión de espíritos é xeralmente provocada polos conflitos familiares. Os espíritos, falan a través das mulleres, polo xeral advirten de que traten mellor a membros da familia.^[4]

Concellos[editar | editar a fonte]

Dos 40 municipios do estado, 16 están dentro do atol Chuuk e nas 24 illas periféricas. Na seguinte táboa, cada un vai seguido da súa poboación no Censo celebrada o 1 de abril de 2000.