Estación de tren de Delft Sur
| Estación de tren de Delft Sur | ||||
|---|---|---|---|---|
 | ||||
| Tipo | estación de ferrocarril  | |||
| Epónimo | Delft | |||
| Uso(s) | en funcionamento | |||
| Instalacións |    | |||
| Localización | ||||
| ||||
| Estado | Reino dos Países Baixos | |||
| País | Países Baixos | |||
| Provincias | Holanda Meridional | |||
| Concello | Delft | |||
| Datas | ||||
| Fundación | 1970 | |||
| Inauguración | 31 de maio de 1970 | |||
| Transporte | ||||
| Código de estación ferroviaria | Dtcp | |||
| Número de plataformas | 2 | |||
| Liña de tren | Amsterdam–Haarlem–Rotterdam railway (en)  | |||
| Servizo de conexión | Sprinter (en) | |||
| Proximidades | Liña Ámsterdam-Rotterdam da Nederlandse Spoorwegen (NS): Sprinter 5000 Sprinter 5100 | |||
| Persoas e organizacións | ||||
| Propietario/a | Nederlandse Spoorwegen | |||
| Arquitecto/a | Cees Douma | |||
| Operador/a | Nederlandse Spoorwegen | |||
| Contacto | ||||
| Páxina WEB | ns.nl… | |||
| [ Wikidata ] | ||||
A estación de tren de Delft Sur (en neerlandés: Station Delft Zuid) é unha estación de ferrocarril da vila surholandesa de Delft, nos Países Baixos, situada na liña entre A Haia e Rotterdam, que presta servizos ás poboacións dos distritos de Tanthof e Voorhof, no sur da cidade. Ten case 5.000 usuarios diarios.[1]
A estación, inaugurada o 31 de maio de 1970, está debaixo do viaduto Kruithuisweg, desde o que se pode acceder ás plataformas mediante unhas escaleiras.
Historia e desenvolvemento
[editar | editar a fonte]
O antigo edificio da estación tiña forma hexagonal, igual que outros moitos edificios de estacións dos Países Baixos entre os anos 1968 e 1979, coñecidos como de tipo "sextante". Logo de quedar en desuso en 2003, finalmente o edificio foi derrubado en 2006.
Entre 2009 e 2011 leváronse a cabo obras de acondicionamento de toda a contorna da estación, co obxectivo de mellorar a seguranza e os accesos, dotar de novos aparcadoiros para automóbiles e bicicletas e deixar prevista calquera operación posterior de desenvolvemento da zona. Ademais, engadiuse unha nova ruta de autobuses para comunicar a estación.
Na contorna da estación hai máis de 600 prazas de aparcadoiro de bicicletas, un medio de desprazamento moi habitual entre os holandeses. No lado leste, ampliouse o carril destinado a elas que vai da estación cara ao campus da Universidade de Tectoloxía de Delft, e instalouse unha nova iluminación pública. No lado oeste, pola súa parte, hai instalados postos para o alugamento destes vehículos.
Proxectos
[editar | editar a fonte]Houbo diversos plans para a mellora e a expansión da estación de Delft Sur e dos seus servizos, que non chegaron a ver a luz debido á crise económica. En 2016 presentouse un novo plan de ampliación, que previsiblemente dará comezo en 2023.[2]
Trens
[editar | editar a fonte]Conforme o calendario e os horarios de 2017, na estación de tren de Delft Sur operan os seguintes trens:[3]
- Servizo de proximidades (sprinter). Dous por hora: A Haia - Rotterdam - Dordrecht - Breda.
- Servizo de proximidades (sprinter). Dous por hora: A Haia - Rotterdam - Dordrecht - Roosendaal.
Notas
[editar | editar a fonte]- ↑ Datos de pasaxeiros (2013-2025). En Treinreiziger.nl (en neerlandés).
- ↑ "Aproxímase o desdobramento entre Rijswijk e Delft Sur". En ProRail.nl (en neerlandés).
- ↑ Táboa de liñas e horarios Arquivado 07 de novembro de 2017 en Wayback Machine. (en neerlandés).
Véxase tamén
[editar | editar a fonte] |
Wikimedia Commons ten máis contidos multimedia na categoría: Estación de tren de Delft Sur |
Outros artigos
[editar | editar a fonte]Ligazóns externas
[editar | editar a fonte]- A estación de tren de Delft Sur en Stationweb.nl (en neerlandés).
- Sitio web da compañía ferrovoiaria NS (en neerlandés).
- Planificador de rutas do transporte público holandés Arquivado 28 de outubro de 2017 en Wayback Machine. (en neerlandés e en inglés)
