Lázaro Louzao

Modelo:Actor Hilario Pérez Louzao, máis coñecido como Lázaro Louzao, nado en Xove en 1988, é un cineasta e fotógrafo galego.

Traxectoria

Comezou a expoñer fotografía en 2006 cando aínda cursaba bacharelato na Coruña. Ese mesmo ano mudouse a Santiago de Compostela, onde estudou Fotografía Artística na EASD Mestre Mateo e fixo un máster en Arte e Comunicación.

En 2010 trasladouse a Bilbao, onde dirixiu as súas primeiras curtametraxes á vez que estudaba Comunicación Audiovisual. Entre estes primeiros traballos destaca CRAC, baseado no poemario homónimo de Gonzalo Hermo. Despois dun breve período en Barcelona onde dirixiu a súa terceira curta no Máster de Documental Creativo, volveu á Coruña no ano 2016, onde creou Costura Films.

En 2018 estreou no Festival Zinegoak de Bilbao a súa primeira longametraxe, Nove de novembro, que é a primeira de temática LGBT rodada en lingua galega. En setembro recibe o premio á mellor película galega na Semana Internacional de Cine de Autor de Lugo.

En xuño do 2020 recibe da man de ALAS A Coruña o XVI Premio Marcela e Elisa a visibilidade LGBT[1], porén o acto de entrega quedou adiado por mor da pandemia de COVID-19.

Filmografía

Curtametraxes

• Los Seres Sombríos (2013)
• CRAC (2014)
• La Luz Que No Vemos (2015)

Longametraxes

• Nove de novembro (2018)

Fotografía

Exposicións

• Occidente (2006)
• Semillas del Asfalto (2007)
• Morte e Tempo: Ouro falso de 18 kilates (con poemas de Andrea Nunes Brións)(2007)
• Destino Nafta (2008)
• Hai Roupa Tendida (con poemas de Andrea Nunes Brións) (2008)
• Ilun Ikarak (2013)
• Atxarte (2014)
• AZUL ROJO OCRE (2017)
• O Tento (2018)
• Queerborgs (2020)

Véxase tamén

Ligazóns externas

• Lázaro Louzao na IMDb (en inglés).
• Páxina Oficial