Circunscrición electoral da Coruña

Circunscrición electoral da Coruña
Capital	A Coruña
Comunidade Autónoma	Galicia
Área	7.950 km²
Poboación	1 126 707
Densidade de poboación	141,72 hab./km²
Concellos	93
Escanos	8
Xentilicio	Coruñés, coruñesa

A Circunscrición electoral da Coruña é unha das 52 circunscricións (distrito electoral) utilizados para elixir os representantes no Congreso dos Deputados. O da Coruña é un dos catro distritos que corresponden ás provincias galegas. Dentro da circunscrición, a cidade da Coruña é a máis grande e a única con máis de 100.000 votantes, tras esta Ferrol e Santiago de Compostela son as cidades máis poboadas.

Límites e sistema electoral

O Artigo 68.1 da Constitución española de 1978 di o seguinte sobre os límites da circunscrición electoral:

A circunscrición electoral é a provincia. As poboacións de Ceuta e Melilla estarán representadas con cadanseu deputado. A lei distribuirá o número total de deputados, asignando unha representación mínima inicial a cada circunscrición e distribuíndo os demais en proporción á súa poboación.

Constitución española de 1978

. Desde xeito, ós límites da circunscrición electoral da Coruña corresponden cos da Provincia da Coruña e segundo o Artigo 140 o sufraxio é de tipo universal, igual, directo e segredo.

O sistema utilizado consiste en listas cerradas e unha representación proporcional aos escanos obtidos segundo o Método D'Hondt. O artigo 12 da Constitución establece que a idade mínima para votar son 18 anos.

Elexibilidade

O Artigo 67.3 da Constitución española prohibe que o deputado pertenza ás Cortes Xerais e a unha Asemblea Rexional durante o mesmo mandato. Isto implica que se un candidato resulta elixido para Cortes debe abandonar o seu cargo anterior.

O Artigo 70 establece que a lei electoral determinará as causas de inelixibilidade e incompatibilidade dos deputados e senadores, que comprenderán, en todo caso os compoñentes do Tribunal Constitucional, os altos cargos da Administración do Estado que determine a lei, coa excepción dos membros do Goberno, o Defensor do Pobo, os maxistrados, xuíces e fiscais en activo, os militares profesionais e membros das forzas e corpos de seguridade e policía en activo, os membros das xuntas electorais.

Pola súa parte, a validez das actas e credenciais dos membros de ambas as cámaras está sometida a control xudicial, nos termos que establece a lei electoral.

Repartición de escanos entre 1977–2015

	1977	1979	1982	1986	1989	1993	1996	2000	2004	2008	2011	2015	2016
Unión de Centro Democrático (UCD)	6	6	1
Centro Democrático y Social (CDS)				1	1
Partido Popular (PP)	1	1	4	4	4	5	5	5	4	4	5	3	4
Partido Socialista Obrero Español (PSOE)	2	2	4	4	4	4	3	2	4	3	2	2	2
Bloque Nacionalista Galego (BNG)							1	2	1	1	1
En Marea												2	2
Cidadáns-Partido da Cidadanía (C's)												1

Véxase tamén

Outros Artigos

• Eleccións Xerais en España
• Provincia da Coruña

Ligazóns externas

• Constitución española na páxina web do Tribunal Constitucional
• Resultados electorais desde 1977 (en inglés)