Órbita

Órbita

A órbita é a traxectoria que un corpo percorre arredor doutro baixo a influencia dalgunha forza (normalmente da gravidade). Segundo as leis do movimento planetario de Johannes Kepler, as órbitas son xeralmente elípticas, aínda que os planetas interiores (próximos á estrela que orbitan) teñan órbitas case circulares. Máis tarde, Isaac Newton demostrou que algunhas órbitas, como as de certos cometas, son hiperbólicas e outras parabólicas. Dentro dun sistema solar, os planetas, asteroides, cometas e outros obxectos de menor tamaño percorren órbitas elípticas arredor da estrela, mentres que as lúas e outros satélites fan o propio arredor dos planetas.

Sexa cal fose a órbita seguida polo obxecto, o corpo arredor do que describen coa súa traxetoria atópase situado no foco da cónica descrita, de modo que sempre poden definirse dous puntos singulares, como o de maior afastamento ou afelio, e o de maior aproximación ou perihelio.

Clases de órbita

As órbitas poden clasificarse de acordo coa súa relación co corpo que orbitan.

• Órbita polar
• Órbita ecuatorial
• Órbita xeoestacionaria
• Órbita heliocéntrica
• Órbita de transferencia do Hohmann

Véxase tamén

Outros artigos

• Período orbital
• Inclinación orbital
• Semieixo maior
• Semieixo menor
• Excentricidade