Martiño Rivas

Modelo:Infobox actor Martiño Rivas López, coñecido artisticamente como Martín Rivas, é un actor galego nado en Vimianzo en 1985.

Traxectoria

Fillo do escritor galego Manolo Rivas e de María Isabel López, Martiño comezou a súa carreira como actor sendo un neno, na serie de Video Voz para TVG Mareas vivas. Traballou nela de 1998 a 1999, nas temporadas primeira a terceira. En 2004 participou na rodaxe da curtametraxe Puzle, de 24 minutos de duración. En 2005 tivo tamén un papel de reparto, como David, nas dúas temporadas de Maridos e mulleres, de Zénit Televisión para TVG. Das teleseries de ámbito autonómico pasou a traballar en series estatais con títulos como SMS (Globomedia para La Sexta) nun rol episódico dos capítulos 221 a 225. Actualmente é un dos protagonistas da serie El Internado de Antena 3. Academicamente, ademais de seguir a súa formación como actor na escola Espacio Aberto, estuda o 4º curso de Comunicación Audiovisual na Universidade de Santiago.

Películas

• Os xirasois cegos (2007). Drama dirixido por José Luis Cuerda e protagonizado por Maribel Verdú e Javier Cámara, entre outros.

Series de televisión

• Mareas vivas (1998-99). TVG. Primeira e terceira tempada.
• Maridos e mulleres (2005). TVG. Interpretaba a personaxe de David.
• SMS (2006). La Sexta. Capítulos 221 a 225.
• El internado (2007). Antena 3. Interpreta a personaxe de Marcos.

Curtametraxes

• Puzzle (2004). Curtametraxe gravada en Santiago de Compostela.

Vida persoal

Sentimentalmente relacionouse no pasado con Sara Casasnovas e Elena Furiase e na actualidade mantén unha relación coa actriz Irene Escolar.

Véxase tamén

Ligazóns externas

• Martiño Rivas na IMDb (en inglés).
• Martiño Rivas en AAG
• Martiño Rivas en AVG
• Web non oficial do actor
• Web non oficial do Clube de fans