Ventura González Prieto
Ventura González Prieto, nado en 1925 en Valderrey, León, é un empresario castelán afincado en Galicia.
Traxectoria
Trasladouse a Vigo en 1939, con catorce anos, onde comezou a traballar nunha tenda de ultramarinos. En 1944 abriu un posto de salchichas de catro metros cadrados no mercado do Calvario.
En 1968 comezou a construción do seu primeiro almacén no Troncal, Teis. En 1977 fundou o grupo de alimentación Vegonsa, grupo do que, dende 1998, forma parte ao 50% a empresa vasca Eroski, nacendo Vegalsa-Erosqui, que en 2014 tiña máis de 260 establecementos en Galicia e 5.000 empregados, superando os 900 millóns de euros anuais de facturación.[1]
Recoñecementos
En agosto de 2010 foi nomeado fillo predilecto de Valderrey e en decembro dese mesmo ano o Goberno de España outorgóuselle a Medalla ao Mérito no Traballo.[2]
En febreiro de 2013, o presidente da Xunta de Galicia, Alberto Núñez Feijóo, acompañado por José Manuel Fernández Alvariño, entregoulle a Medalla de Ouro da Confederación de Empresarios de Pontevedra.
O concello de Vigo adicoulle en 2014, en vida, o nome dunha rúa.[3][4]
Notas
- ↑ Principais Cifras do grupo Vegalsa-Eroski
- ↑ "El Gobierno concede la Medalla del Trabajo a Ventura González" El Diario de León, 4/12/2014.
- ↑ "Vigo dará el nombre de una calle a Ventura González..." La Voz de Galicia, 5/1/20014.
- ↑ "Homenajean a Ventura González Prieto, fundador de Vegalsa-Eroski" Faro de Vigo, 5/7/2014.
Véxase tamén
Bibliografía
- Vegalsa-Eroski: homenaje a un emprendedor, Ventura González Prieto y la distribución alimentaria en Galicia, 1945-2007,[1] 2008.