Erysipelothrix
| Erysipelothrix | |||||||||||||
|---|---|---|---|---|---|---|---|---|---|---|---|---|---|
 Morfoloxía celular e colonial de Erysipelothrix rhusiopathiae | |||||||||||||
| Clasificación científica | |||||||||||||
| |||||||||||||
| Especies | |||||||||||||
|
3 (ver texto) | |||||||||||||
Erysipelothrix é un xénero de bacterias que contén tres especies.[1] A característica distintiva de Erysipelothrix é a presenza dunha parede celular grampositiva de tipo B, na cal a ponte peptídica do peptidoglicano fórmase entre aminoácidos situados nas posicións 2 e 4 de cadeas peptídicas adxacentes, en lugar do que ocorre na maioría das bacterias, que o forman entre aminoácidos nas posicións 3 e 4."[1]
A especie mellor coñecida é Erysipelothrix rhusiopathiae, que causa erisipelas en porcos e outras doenzas en animais. As outras dúas especies aparentemente non son patóxenas.[1] [2] e Erysipelothrix inopinata describiuse en 2004. Estas dúas últimas especies foron illadas de tonsilas de porcos sans.[1] Estableceuse a nova familia Erysipelotrichidae para clasificar nela este xénero.[1]
Estas bacterias son grampositivas. Porén, poden confundirse con bacterias gramnegativas durante as análises porque perden facilmente a súa tinguidura de Cristal violeta. Non son ácido-alcohol resistentes. Son bacilos finos, inmóbiles. Son rectos ou lixeiramente curvados e poden aparecer longos e filamentosos. As célula aparecen soas, en pares con forma de V, ou formando curtas cadeas. Son aeróbicas ou anaerobias facultativas.[3]
Notas[editar | editar a fonte]
- ↑ 1,0 1,1 1,2 1,3 1,4 Verbarg, S., et al. (2004). Erysipelothrix inopinata sp. nov., isolated in the course of sterile filtration of vegetable peptone broth, and description of Erysipelotrichaceae fam. nov. IJSEM 54(1) 221-25.
- ↑ Takahashi, T.; Fujisawa, T.; Benno, Y.; Tamura, Y.; Sawada, T.; Suzuki, S.; Muramatsu, M.; Mitsuoka, T. (1987-04-01). "Erysipelothrix tonsillarum sp. nov. Isolated from Tonsils of Apparently Healthy Pigs". International Journal of Systematic Bacteriology (en inglés) 37 (2): 166–168. ISSN 0020-7713. doi:10.1099/00207713-37-2-166.
- ↑ Stackebrandt, E., et al. (2006). The Genus Erysipelothrix. Prokaryotes 4 492-510.
