Eritrosa 4-fosfato

Eritrosa 4-fosfato
C₄H₉O₇P
Instancia de tipo de entidade química  Subclase de erythose-4-phosphate (en)  Composto por osíxeno (O) hidróxeno (H) fósforo (P) carbono (C)  Ten o papel metabolito primario  SMILES canónico O=CC(O)C(O)COP(=O)(O)O  SMILES isomérico [H]C(=O)[C@H](O)[C@H](O)COP(O)(O)=O C([C@H]([C@H](C=O)O)O)OP(=O)(O)O
Características  Atopado no taxon Staphylococcus aureus Escherichia coli Medicago sativa Caenorhabditis elegans Candida albicans Trypanosoma brucei ser humano  Estereoisómero de D-threose 4-phosphate (en) Threose-4-Phosphate (en)
Cifras e dimensións  Masa    200,008589258 Da
Fontes e ligazóns Freebase /m/02qcqhw CAS 585-18-2 PubChem 122357 UNII 2156QF7O8M ChEBI 48153 ChEMBL CHEMBL1232448 InChl Modelo3D KEGG C00279 Drugbank DB03937
Wikidata C:Commons

A eritrosa 4-fosfato ou eritrosa-4-fosfato é o monosacárido derivado da eritrosa cun fosfato esterificado no carbono 4. Trátase dun azucre de 4 carbonos (tetrosa), cun grupo aldehido (aldosa) e un grupo fosfato no carbono 4. É un intermediario importante na ruta da pentosa fosfato e do ciclo de Calvin da fase escura da fotosíntese, e intervén tamén na síntese de aminoácidos aromáticos como tirosina, fenilalanina e triptófano.

Na ruta da pentosa fosfato

A eritrosa 4-fosfato é un dos azucres que intervén na fase non oxidativa da ruta da pentosa fosfato. Orixínase na reacción entre a sedoheptulosa 7-fosfato e o gliceraldehido 3-fosfato catalizada polo encima transaldolase, na que se orixina frutosa 6-fosfato e eritrosa 4-fosfato .

sedoheptulosa 7-fosfato + gliceraldehido 3-fosfato → eritrosa 4-fosfato + frutosa 6-fosfato

Na reacción final da ruta a eritrosa 4-fosfato reacciona coa xilulosa 5-fosfato, dando lugar a gliceraldehido 3-fosfato e frutosa 6-fosfato, pola acción da transcetolase.

eritrosa 4-fosfato + xilulosa 5-fosfato → gliceraldehido 3-fosfato + frutosa 6-fosfato

No ciclo de Calvin

No ciclo de Calvin da fase rexenerativa da fase escura da fotosíntese a eritrosa 4-fosfato orixínase na reacción do gliceraldehido 3-fosfato coa frutosa 6-fosfato, que é a mesma da ruta da pentosa fosfato, pero en sentido contrario.

gliceraldehido 3-fosfato + frutosa 6-fosfato → eritrosa 4-fosfato + xilulosa 5-fosfato

Despois, a eritrosa formada reacciona coa dihidroxiacetona fosfato orixinando sedoheptulosa 1,7-difosfato

eritrosa 4-fosfato + dihidroxiacetona fosfato → sedoheptulosa 1,7-difosfato

Síntese de aminoácidos

A eritrosa 4-fosfato intervén na síntese de aminoácidos aromáticos como fenilalanina, tirosina e triptófano. A fenilalanina é un aminoácido esencial para o home. As plantas sintetízana a partir de fosfoenolpiruvato e eritrosa 4-fosfato, as cales orixinan en varios pasos ácido siquímico, o cal nunha ruta de 5 reaccións orixina a fenilalanina. A partir de intermediarios da mesma ruta orixínanse nas plantas a tirosina e o triptófano. No home a tirosina pode sintetizarse a partir da fenilalanina, e o triptófano é esencial.

Ligazóns externas

• MeSH Supplementary Concept Data