Enrique Florescano

Na Galipedia, a Wikipedia en galego.
Saltar ata a navegación Saltar á procura
Enrique Florescano
Doctor Enrique Florescano.jpg
Nacemento1937
NacionalidadeMéxico
Alma máterEl Colegio de México
Ocupaciónescritor
PremiosPremio Nacional de Ciencias y Artes
editar datos en Wikidata ]

Enrique Florescano Mayet, nado en San Juan de Coscomatepec, Veracruz; 1937, é un historiador mexicano. É historiador pola Universidade Veracruzana. É ademais mestre polo Colexio de México e doutor pola École Pratique des Hautes Études. As súas investigacións abranguen practicamente toda a historia de México, sendo as máis notables as feitas sobre o período mesoamericano, centrando a súa atención sobre aspectos relixiosos, míticos e sobre a figura de Quetzalcóatl. É membro do Consello Consultivo de Ciencias da Presidencia da República.[1]

Traxectoria[editar | editar a fonte]

En 1956 ingresou na Facultade de Dereito da Universidade Veracruzana, en Xalapa. A partir de 1958 decidiu estudar, simultaneamente á avogacía, a carreira de historia. Nese mesmo ano fundou a revista "Situaciones", unha publicación mensual estudantil da Facultade de Filosofía e Letras, e creou o suplemento cultural do Diario de Xalapa, que dirixiu até 1960. En 1965 obtivo o grao de Mestría en Historia Universal no Colexio de México.

O 21 de xuño de 1967 presentou a tese Les Prix du mais a México 1708-1813, para obter o grao de doutor en Historia na Universidade de París. En 1968 incorporouse como investigador de tempo completo no Centro de Estudos Históricos do Colexio de México. En 1969 outorgóuselle nomeamento como profesor titular do Seminario de Historia Económica de México da Facultade de Filosofía e Letras da Universidade Nacional Autónoma de México. Dende decembro de 1970 e até 1973 dirixiu a revista "Historia Mexicana".

En febreiro de 1971 foi nomeado titular do Departamento de Investigacións Históricas do Instituto Nacional de Antropoloxía e Historia e en decembro do mesmo ano, cando o departamento cambiou a Dirección de Estudos Históricos, quedou á fronte. A permanencia nesta institución levou a que en 1982 recibise o cargo de Director Xeral do Instituto Nacional de Antropoloxía e Historia. O 15 de decembro de 1988 foi nomeado polo doutor Víctor Flores Olea, daquela Presidente do Consello Nacional para a Cultura e as Artes, Coordinador Nacional de Proxectos Históricos, cargo que posteriormente tomaría o nome de Dirección Xeral Adxunta de Proxectos Históricos.

Notas[editar | editar a fonte]

  1. Academia Mexicana de la Historia (ed.). "Enrique Florescano Mayet" (PDF). Arquivado dende o orixinal (PDF) o 23 de febreiro de 2012. Consultado o 19 de setembro de 2018.