El Heraldo Gallego (Buenos Aires)
El Heraldo Gallego foi un semanario editado en Buenos Aires entre 1906 e 1950.
Traxectoria[editar | editar a fonte]
Subtitulado Órgano de las colectividades gallegas en el Plata, apareceu o 15 de setembro de 1906. Estaba dirixido por Julio de la Cuesta e Ricardo Valcarce era o subdirector. Ofrecía información sobre Galicia e a colectividade emigrada no Río da Prata. Incluía colaboracións literarias na sección "Páxina enxebre". Redactada maioritariamente en castelán, entre os seus colaboradores figuraban Antón Noriega Varela, Antón Vilar Ponte, Avelino Rodríguez Elías, Manuel Linares Rivas, Fortunato Cruces, Isaac de Montenegro e Galo Salinas. En 1932 apareceu cun novo subtítulo: El periódico gallego de mayor circulación en la Argentina y el Uruguay. Cesou a súa publicación en 1950.
Véxase tamén[editar | editar a fonte]
Bibliografía[editar | editar a fonte]
- Peña Saavedra, Vicente (dir.) (1998). Consello da Cultura Galega, ed. Repertorio da prensa galega da emigración. Santiago de Compostela. pp. 143–144. ISBN 84-87172-30-X.