Edgar Seligman

Edgar Seligman
	;
Biografía
Nacemento	14 de abril de 1867 ; San Francisco, Estados Unidos de América
Morte	27 de setembro de 1958 (91 anos); Londres, Reino Unido
Altura	174 cm
Peso	80 kg
Actividade
Lugar de traballo	Londres
Ocupación	esgrimista, pintor
Período de actividade	1890 - 1958
Carreira militar
Rama militar	Exército Británico
Deporte	esgrima
Participou en
1924	Xogos Olímpicos de 1924
1920	Xogos Olímpicos de 1920
1912	Xogos Olímpicos de 1912
1908	Xogos Olímpicos de 1908
1906	Xogos Olímpicos de 1906

Edgar Isaac Seligman, nado en San Francisco o 14 de abril de 1867 e finado en Londres o 27 de setembro de 1958, foi un pintor e tirador de esgrima inglés, gañador de tres medallas olímpicas.

Traxectoria

Seligman naceu nos Estados Unidos de pais alemáns que acabaron por establecerse en Londres, onde adquiriu a cidadanía británica.^[1] Loitou na Guerra Boer co Imperial Yeomanry. Esgrimista de sona participou en cinco olimpiadas como membro do equipo de esgrima británico, e foi o único home en gañar o campionato británico nas tres armas dúas veces.^[2]

Carreira deportiva

Campionato Británico

Seligman foi o campión británico de espada en 1904 e 1906,^[3] de florete en 1906–1907 e de sabre en 1923 e 1924.

Xogos Intercalados

En 1906 competiu nos "Xogos Intercalados" de Atenas, logrando a medalla de prata co equipo de espada.^[4]

Xogos Olímpicos de 1908

Co Reino Unido como o país organizador en 1908, Seligman e os seus compañeiros de equipo gañaron a medalla de prata na competición de espada por equipos, tras derrotar a Bélxica e Dinamarca. Seligman non tivo éxito en espada individual, perdendo na primeira rolda.

Xogos Olímpicos de 1912

Catro anos máis tarde, nos Xogos Olímpicos de 1912 de Estocolmo, Seligman fooi o capitán do equipo británico, competindo en tres probas, chegando á final nas tres e gañando a prata en espada por equipos; en espada individual quedou sexto ao igual ca en florete.

Xogos Olímpicos de 1920

Nos Xogos Olímpicos de 1920 de Anveres foi de novo o capitán británico do equipo de esgrima, rematando sétimo na competición de florete por equipos e quinto en espada por equipos.

Xogos Olímpicos de 1924

Nos Xogos Olímpicos de 1924 de París, Seligman foi o capitán por terceira vez, nas primeiras tres roldas en florete individual gañou 12 dos 13 encontros chegando á final, pero por mor dun accidente mancou unha perna e tivo que retirarse.

Xogos Olímpicos de 1928 e 1932

Nos Xogos Olímpicos de 1928 e 1934 participou nas competicións artísticas de pintura.^[5]

Notas

↑ Wills and Bequests - Print Collection for Museums" (Deaths). The Times (London). Friday, 30 January 1959. Issue 54372, col B, p. 15.
↑ fencingmuseum.com
↑ "Encyclopedia Britannica, 11ª ed". Arquivado dende o orixinal o 01 de decembro de 2012. Consultado o 01 de decembro de 2012.
↑ "Encyclopedia Britannica, 11ª ed.". Arquivado dende o orixinal o 02 de febreiro de 2013. Consultado o 15 de setembro de 2013.
↑ "Edgar Seligman Olympic Results". sports-reference.com. Arquivado dende o orixinal o 06 de xaneiro de 2009. Consultado o 25 March 2010.

Véxase tamén

Ligazóns externas

Olympics record (en inglés)

[1] Wills and Bequests - Print Collection for Museums" (Deaths). The Times (London). Friday, 30 January 1959. Issue 54372, col B, p. 15.

[2] useum.com

[3] "Encyclopedia Britannica, 11ª ed". Arquivado dende o orixinal o 01 de decembro de 2012. Consultado o 01 de decembro de 2012.

[4] "Encyclopedia Britannica, 11ª ed.". Arquivado dende o orixinal o 02 de febreiro de 2013. Consultado o 15 de setembro de 2013.

[sports-reference-5] "Edgar Seligman Olympic Results". sports-reference.com. Arquivado dende o orixinal o 06 de xaneiro de 2009. Consultado o 25 March 2010.

[1]

[2]

[3]

[4]

[5]