Euskal Herrialdeetako Alderdi Komunista
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2020.) |
| Euskal Herrialdeetako Alderdi Komunista | |
|---|---|
 | |
| Acrónimo | EHAK |
| Tipo | partido político español e Partido Comunista |
| Ideoloxía | Marxismo-leninismo, Nacionalismo vasco e Independentismo |
| Data de fundación | 27 de xullo de 2002 |
| Data de disolución | 2008 |
| Sede | Vitoria |
| País | España |
| [ editar datos en Wikidata ] | |
Euskal Herrialdeetako Alderdi Komunista (EHAK, Partido Comunista das Terras Vascas en galego) foi un partido político vasco ilegalizado o 18 de setembro de 2008 polo Tribunal Supremo, cuxo único ámbito de actuación era Euskadi, de ideoloxía marxista-leninista, nacionalista vasca e independentista. Defendían a ditadura do proletariado nos seus estatutos e nos seus primeiros mitins electorais proliferaban as bandeiras da Unión Soviética. Obtivo representación parlamentaria nas eleccións ao Parlamento Vasco do 17 de abril de 2005, prometendo asumir os principios da lista ilegalizada Aukera Guztiak a pesar das duras críticas do PP e outros sectores que a relacionaba co grupo armado Euskadi Ta Askatasuna (ETA) pola mesma razón. EHAK foi inscrita como partido no rexistro do Ministerio do Interior sendo o seu titular Ángel Acebes a mediados de setembro de 2002, un mes despois da suspensión de actividades de Batasuna, da clausura das súas sedes e da entrada en vigor da actual Lei de Partidos. EHAK foi unha das correntes que converxeron no proceso "Batasuna" entre 2001 e 2002, que se desmembrou antes das votacións para a constitución de Batasuna como partido político, dado que antes era unha coalición electoral. EHAK, como Aralar, decidiu constituírse como forza política independente. Do conxunto de agrupacións políticas que debateron os relatorios do proceso batasuna, EHAK era o máis radical nos seus postulados marxistas-leninistas e o menos abertzale.
Durante a campaña electoral, tras o anuncio da ilegalización da candidatura Aukera Guztiak (AG) en cumprimento da Lei de Partidos, o PCTV ofreceu representar aos votantes de Batasuna e de AG na cámara. Isto, xunto coa promesa de EHAK de levar a cabo unicamente o labor parlamentario, renunciando a calquera actividade na rúa, ocasionou que o Partido Popular considere que este partido é unha ficción para que as candidaturas ilegalizadas puidesen concorrer con outra denominación ás eleccións, algo que o PCTV nega, utilizando entre outros argumentos o de que este partido existía desde antes da ilegalización de Batasuna. O PCTV-EHAK xurdiría a partir da corrente EHK, e nel participarían algúns dirixentes sindicais de LAB, sindicato ligado á denominada "esquerda abertzale".
Finalmente, o PCTV-EHAK presentouse ás eleccións de 2005. Nekane Erauskin, cabeza de lista por Guipúscoa, foi a portavoz durante a campaña. Actualmente forman grupo 8 mulleres e 1 home. Nesas eleccións obtivo 150.188 votos (12,44%) e nove escanos, sendo expoñente xunto con Aralar, da recuperación electoral da esquerda abertzale, situándose a suma de ambas as formacións no 14,77% do total dos votos. O mantemento dos 7 escanos de Eusko Alkartasuna contribuíu a situar aos partidos de esquerda e abertzales en 17 de 75, cunha forza comparable á do Partido Socialista de Euskadi.
 | Este artigo (ou sección) está desactualizado(a). A información fornecida mudou ou é insuficiente. |
Ligazóns externas[editar | editar a fonte]
- Blog non oficial do PCTV-EHAK Arquivado 28 de xuño de 2007 en Wayback Machine.
