Discorsi del poema eroico
| Discorsi del poema eroico | |
|---|---|
.jpg) Retrato do autor, Torquato Tasso (1544-1595) | |
| Título orixinal | Discorsi dell'arte poetica e in particolare sopra il poema eroico |
| Autor/a | Torquato Tasso (1544-1595) |
| Orixe | Italia |
| Lingua | Italiano |
| Xénero(s) | Ensaio |
| Data de pub. | 1594 |
| [ editar datos en Wikidata ] | |
Discorsi dell'arte poetica e in particolare sopra il poema eroico (1594), tamén coñecido coma Discorsi del poema eroico, é unha obra de Torquato Tasso.[1] Trátase dunha reflexión filosófica sobre a natureza da poesía épica, escrita durante a elaboración do seu poema Gerusalemme Liberata (1581).[2]
Historia[editar | editar a fonte]
A recente edición do primeiro libro da Poética de Aristóteles levou á publicación de numerosos libros de preceptos baseados nas ideas do filósofo grego. Estas normas ríxidas contrastaban coa liberdade e inspiración do Orlando Furioso de Ludovico Ariosto, o que conduciu a un debate público nos círculos literarios da época.
A obra de Tasso buscaba organizar dun xeito orgánico as reflexións xurdidas neste debate, así como fundamentar teoricamente os valores da cultura cortesana de Ferrara, onde vivía o poeta, centrados no hedonismo e a magnificencia.
Por outra banda, tamén considera o problema do valor pedagóxico das obras literarias, segundo o dictum de Horacio "miscere utile dulci" ("integrar o útil co doce"), que se estaba a considerar con moita seriedade co gallo da Contrarreforma.
Estrutura[editar | editar a fonte]
A obra estrutúrase en varios libros. No primeiro deles, fálase da poesía coma imitación (mímese) orientada ao pracer. No segundo, Tasso argumenta que o tema da poesía debe ser "virtuoso e piadoso", subordinando a inspiración poética á razón e á relixión. No terceiro libro, compara as características do poema épico e do romance, defendendo a superioridade do primeiro. Porén, rexeita unha distinción ríxida entre ambos xéneros, xa que dende novo avogou por conciliar a tradición clásica coa romance, integrando a gravidade da épica coa variedade do romance. No cuarto libro, analiza os mecanismos típicos da fábula, enriquecendo a súa argumentación con abondosos exemplos. Nos dous derradeiros libros, trata en xeral sobre a elocución, da linguaxe poética e da compatibilidade da elegancia coa poesía épica.[3]
Notas[editar | editar a fonte]
- ↑ "Discorsi del poema eroico - work by Tasso - Britannica". www.britannica.com (en inglés). Consultado o 2024-01-23.
- ↑ Symonds, John Addington (2020-06-12). Renaissance in Italy (Vol. 1-7): Complete Edition (en inglés). e-artnow.
- ↑ Torquato Tasso (1964). Discorsi dell'arte poetica e del poema eroico.
Véxase tamén[editar | editar a fonte]
Ligazóns externas[editar | editar a fonte]
- Discorsi dell'arte poetica e in particolare sopra il poema eroico (Biblioteca Italiana)
