Diplopía

Na Galipedia, a Wikipedia en galego.

Diplopía é o termo que se aplica á visión dobre, a percepción de dúas imaxes dun único obxecto. A imaxe pode ser horizontal, vertical ou diagonal.

Características[editar | editar a fonte]

Cando desaparece ao pechar un ollo, ten polo xeral dúas causas, por parálises dos músculos oculomotores, coa consecuente desalineación dos ollos, formándose a imaxe en distintos lugares da retina en cada ollo ou en caso de estrabismo. Se ao pechar un ollo non desaparece a dobre imaxe, esta é causada xeralmente por defecto de correlación entre as lentes do ollo. Se ao mirar cun ollo con visión dobre, usando un filtro polarizado, sucede que ao virar o filtro desaparece a dobre imaxe, esta fórmase por birrefrinxencia no cristalino. No caso da dobre imaxe vendo cun ollo, é importante verificar a presión introcular, que está relacionada co glaucoma ocular.

A diplopía tamén pode ir asociada a enfermidades de cancro, como no linfoepitelioma de CAVUM, no que o nervio óptico pode verse afectado.

Véxase tamén[editar | editar a fonte]

Ligazóns externas[editar | editar a fonte]