Dielectro

Dielectro Industrial S.A.
	; Sede e centro loxístico en Sabón.
Tipo	Sociedade Anónima
Fundación	1951 como Dielectro Galicia na Coruña
Matriz	Sonepar Ibérica
Localización	Avda. da Prensa 55, 15142 Arteixo, A Coruña Galiza
Fundador	Emilio Lostalé
Persoas clave	Pilar María González
Industria	Distribución
Produtos	Material eléctrico ; Electrónica; Telecomunicacións
Beneficio	84 millóns de euros (2014)
Número de empregados	280 (en 2015)
	[ editar datos en Wikidata ]

Coordenadas: 42°19′14.77″N 8°30′21.55″O / 42.3207694, -8.5059861

Dielectro é unha empresa galega de subministración de material eléctrico e electrónico con sede en Arteixo no polígono de Sabón.

A empresa ten 22 centros de distribución por toda España^[1].

Historia[editar | editar a fonte]

A empresa ten as súas orixes en 1951 como almacén e distribuidor de material eléctrico. En 2001 inicia a ampliación fóra de Galicia, na Comunidade de Madrid con catro delegacións: Leganés, San Fernando de Henares, Alcobendas e Pinto no 2007. En 2004 o negocio chega a Cataluña en Sant Boi de Llobregat (Barcelona). Máis tarde Badalona e Poble Nou. En 2005 ten rede propia de distribución en Asturias (Oviedo). Xa no 2006 abren as sedes en Castela e León (Ponferrada) e Levante (Massanassa-Valencia), no 2007 abre a delegación de Gandia^[2].

Actualmente a empresa adícase tamén a distribución de material de fontanería, calefacción ou enerxías alternativas. En 2015 a empresa foi mercada polo grupo francés Sonepar^[3].