Demetrio Fernández González

Na Galipedia, a Wikipedia en galego.
Saltar ata a navegación Saltar á procura
Demetrio Fernández González
Mons. Demetrio Fernandez Gonzalez (30279527024).jpg
Bispo da Igrexa latina
Biografía
Nacemento15 de febreiro de 1950 en El Puente del Arzobispo, provincia de Toledo
Alma máterPontificia Universidade Gregoriana
Ordes
Ordenación sacerdotal22 de decembro de 1974, por Marcelo González Martín
Consagración episcopal9 de xaneiro de 2005, por Manuel Monteiro de Castro
Bispo de Córdoba
18 de febreiro de 2010 -
PredecesorJuan José Asenjo
Cargos anterioresAdministrador Apostólico de Tarazona (2010-2011)
Bispo de Tarazona (2005-2010)
Outros
Coat of arms of Demetrio Fernandez Gonzalez.svg
Escudo de Demetrio Fernández González
Ecce Venio
Ficha en catholic-hierarchy.org

Demetrio Fernández González, nado en El Puente del Arzobispo (Toledo) o 15 de febreiro de 1950, é un bispo católico español. Dende 2010 ocupa a cátedra de Córdoba.

Biografía[editar | editar a fonte]

Sacerdocio[editar | editar a fonte]

Ingresou no Seminario de Talavera de la Reina e posteriormente no Seminario Menor de Toledo. Cursou os estudos superiores no Seminario Maior "San Ildefonso" de Toledo e no Seminario de Palencia.

Foi ordenado sacerdote o 22 de decembro de 1974 en Toledo, polo cardeal arcebispo de Toledo Marcelo González Martín. Foi coadxutor de “El Buen Pastor” en Toledo entre 1974 e 1977, e capelán do Colexio Vedruna en 1976. Posteriormente cursou estudos en Roma entre 1977 e 1980, no Colexio Español, onde obtivo a Licenciatura en Teoloxía Dogmática pola Pontificia Universidade Gregoriana.

Episcopado[editar | editar a fonte]

O 9 de decembro de 2004 foi designado bispo de Tarazona polo papa Xoán Paulo II, recibindo a consagración episcopal de mans de Manuel Monteiro de Castro o 9 de xaneiro do seguinte ano no Mosteiro de Veruela.[1]

Logo de cinco anos de servizo na diocese aragonesa, o papa Bieito XVI nomeouno Bispo de Córdoba o día 18 de febreiro de 2010 en substitución de Juan José Asenjo, tomando posesión do cargo o 20 de marzo do mesmo ano. Porén, seguiu vencellado coa diocese ao ser designado administrador apostólico de Tarazona, cargo que mantivo até a designación de Eusebio Fernández Sola como bispo, en 2011.

Controversias[editar | editar a fonte]

Durante a celebración da misa pola Festa da Sagrada Familia o 26 de decembro de 2010 na Catedral de Córdoba, o bispo deu unha homilía na que condenou as ameazas que, ao seu xuízo, atacaban á familia, centrándose en cuestións como o aborto ou o divorcio. Da súa homilía trascendeu aos medios de comunicación unha afirmación que o bispo atribuiu ao cardeal Ennio Antonelli, segundo a que "a UNESCO ten programado para os próximos vinte anos que a metade da poboación sexa homosexual".[2][3]


Dignidades da Igrexa católica
Predecesor:
Joaquín Carmelo Borobia
 
Bishopcoa.png
Bispo de Tarazona
 
2004 - 2010
Sucesor:
Eusebio Hernández Sola
Predecesor:
Juan José Asenjo
 
Bishopcoa.png
Bispo de Córdoba
 
2010 - actualidade
Sucesor:
(no cargo)

Notas[editar | editar a fonte]

  1. Redacción de EFE. "El Papa nombra a Demetrio Fernández nuevo obispo de Córdoba" (en castelán). Consultado o 4 de xullo de 2013. 
  2. Manuel Planelles (2 de xaneiro de 2011). "El obispo de Córdoba: "La Unesco quiere hacer que la mitad de la población sea homosexual"". El País. Consultado o 16 de xullo de 2013. , (en castelán).
  3. Demetrio Fernández (30 de decembro de 2010). "La familia, esperanza de la humanidad (Homilía completa)". Infocatólica. Consultado o 16 de xullo de 2013.  (en castelán).

Véxase tamén[editar | editar a fonte]

Ligazóns externas[editar | editar a fonte]