Dean Jagger

Dean Jagger
	;
Biografía
Nacemento	7 de novembro de 1903 ; Columbus Grove, Estados Unidos de América (pt)
Morte	5 de febreiro de 1991 (87 anos); Santa Monica, Estados Unidos de América
Datos persoais
País de nacionalidade	Estados Unidos de América
Relixión	Igrexa de Xesús Cristo dos Santos dos Últimos Días
Educación	Wabash College (en)
Actividade
Ocupación	actor de teatro , actor de cinema , actor de televisión , actor
Período de actividade	1929 - 1987
Xénero artístico	Wéstern
Lingua	Lingua inglesa
Obra
Arquivos en	L. Tom Perry Special Collections (en) ;
	Premios (1949) Óscar ó mellor actor secundario, premiado polo traballo Twelve O'Clock High (pt) ; Daytime Emmy Awards (pt) ; estrela no Paseo da Fama de Hollywood ;

Dean Jeffries Jagger,^[1] nado en Columbus Grove^[2] ou en Lima^[3] (Ohio) o 7 de novembro de 1903 e finado en Santa Monica (California) o 5 de febreiro de 1991 foi un actor estadounidense.

Traxectoria[editar | editar a fonte]

Durante a súa infancia abandonou a escola varias veces antes de chegar ao Wabash College. Finalmente tamén o deixou, dándose de conta de que a vida académica non era para el.^[4] Durante varios semestres ensinou todos os graos nunha escola elemental antes de marchar a Chicago.^[2]

Estudou interpretación no Lyceum Arts Conservatory de Chicago,^[4] uníndose a unha compañía como substituto de Spencer Tracy.^[2] Actuou en vodevís, na radio e no teatro,^[2] debutando en Broadway en 1925 nunha produción de George M. Cohan.^[4] Seguiu en Broadway durante as décadas de 1930 e 1940.

Jagger tivo o seu primeiro papel no cinema en The Woman from Hell (1929), con Mary Astor e o seu primeiro papel importante foi o protagonista de Brigham Young (1940).^[5] Foi un actor de carácter recoñecido que apareceu en case cen filmes e gañou o Oscar ao mellor actor secundario por Twelve O'Clock High (1949).

En 1947 intentou casar coa súa segunda esposa, Gloria Ling, mais foilles denegada a licenza de matrimonio en California pola lei estatal que "prohibe as unións entre caucásicos e mongois [sic]"; o pai de Ling nacera na China.^[6]

Participou en filmes coma The Robe (1953), White Christmas (1954), Bad Day at Black Rock (1955), con Spencer Tracy, King Creole (1958), onde interpretou o pai de Elvis Presley e Elmer Gantry. En 1956 rexeitou participar no filme británico de ciencia ficción X the Unknown porque o director, Joseph Losey, estaba na lista negra de Hollywood. Finalmente Losey foi apartado do proxecto e substituído por Leslie Norman.