Dawson. Isla 10

Dawson. Isla 10
Ficha técnica
Título orixinal	Dawson. Isla 10
Director	Miguel Littín
Produtor	Miguel Littín; Cristián de la Fuente; Miguel Ioan Littín
Guión	Miguel Littín
Intérpretes	Benjamín Vicuña; Cristián de la Fuente; Bertrand Duarte; Pablo Krögh
Música	Juan Cristóbal Meza
Fotografía	Miguel Ioan Littín
Estudio	Azul Films
Estrea	11 de setembro de 2009
Duración	117 minutos
Orixe	Chile
Xénero	Drama
Na rede
	http://www.dawsonlapelicula.cl/en_home.php

Dawson. Isla 10 é un filme chileno de 2009 escrito e dirixido por Miguel Littín. O guión baséase en Isla 10, un libro por Sergio Bitar sobre as súas experiencias como prisioneiro político, e "Isla 10" era o alcume que lle puxeron os gardas durante o seu encarceramento. Foi escollido como candidato de Chile para o Óscar ó mellor filme en lingua non inglesa na 82ª edición dos premios, mais finalmente non foi nomeado.

Sinopse[editar | editar a fonte]

O Golpe de estado do 11 de setembro de 1973 en Chile provocou que Augusto Pinochet tomase o poder do país. O filme conta como os antigos membros do gabinete de Salvador Allende foron arrestados e encarcerados nunha prisión política, designada especialmente como campo de concentración na Illa Dawson, no arquipélago de Terra de Fogo. O campo fora empregado a comezos do século XX para encerrar ós selk'nam e outros pobos indíxenas, que foron trasladados da illa principal para evitar a súa interferencia nos grandes rabaños de ovellas que se estabeleceran alí. En 1973, centros de sospeitos comunistas e disidentes políticos foron encarcerados na Illa Dawson polo goberno de Pinochet. Baixo o estrito control da Mariña chilena, eses homes tentan sobrevivir ás temperaturas extremas e duras condicións de vida.