Daniel Revenu

Na Galipedia, a Wikipedia en galego.
Saltar ata a navegación Saltar á procura
Daniel Revenu
L'équipe de France olympique de fleuret en 1972 (Talvard, Magnan, Noël, Revenu et Berolatti).jpg
Nacemento5 de decembro de 1942
 Issoudun
NacionalidadeFrancia
Ocupaciónesgrimista
PaiErnest Revenu
IrmánsColette Revenu
editar datos en Wikidata ]

Daniel Revenu, nado en Melun o 5 de decembro de 1942, é un tirador de esgrima francés, xa retirado, gañador de seis medallas olímpicas.

Traxectoria[editar | editar a fonte]

Fillo do mestre de armas Ernest Revenu, foi especialista na modalidade de florete e con 21 anos participou nos Xogos Olímpicos de 1964 celebrados en Toquio, gañando a medalla de bronce na proba individual e por equipos de florete. Nos Xogos Olímpicos de 1968 de México revalidou a súa medalla de bronce en individual e logrou unha de ouro na proba por equipos. Nos Xogos Olímpicos de 1972 de Múnic quedou eliminado nas semifinais na proba individual pero gañou a de bronce por equipos, metal que revalidou nos Xogos Olímpicos de 1976 de Montreal.

Ao longo da súa carreira voi tres veces campión de Francia (1963, 1965 e 1974) e gañou seis medallas no Campionato do Mundo de Esgrima, dúas delas de ouro. É autor de estudos, manuais e libros de divulgación sobre a esgrima e o seu ensino: Escrime et éducation (1974), Contribution à l'étude de la personnalité de l'escrimeur (1979), Les Fiches de l'éducateur (1985), Manuel de l'éducateur (1985), Initiation à l'escrime: une démarche pour l'école (1985), con Raymond Thomas escribiu L'escrime (1992) para a colección Que sais-je ?.

Véxase tamén[editar | editar a fonte]

Ligazóns externas[editar | editar a fonte]