Daniel González Alén

Na Galipedia, a Wikipedia en galego.
Saltar ata a navegación Saltar á procura
Daniel González Alén
Nacemento14 de agosto de 1951
Lugar de nacementoLalín
NacionalidadeEspaña
Ocupaciónescritor
Na rede
Dialnet: 1681899
editar datos en Wikidata ]

Daniel González Alén, nado en Lalín o 14 de agosto de 1951, é un escritor e investigador galego.

Traxectoria[editar | editar a fonte]

Fillo de Daniel González González "O Tío Xanete" animador cultural e personaxe moi coñecido e estimado na comarca de Deza. Traballou no sector da banca, sendo director da sucursal do Banco Bilbao Vizcaya Argentaria en Lalín; anteriormente dirixiu as sucursais de Silleda e Ribadavia.

Colaborou en El Correo Gallego (1973-1976) e A Nosa Terra (1983-1986) e despois en La Voz de Galicia e Faro de Vigo. Tamén colaborou nas emisoras Radio Lalín, Radio Pontevedra, Radio Nacional de España (1981-1985) e Radio Noroeste (1987-1993). Ten participado en numerosos programas na TVG e na TVE. Foi correspondente do Museo de Pontevedra e membro do Padroado Cultural de Lalín e do Seminario de Estudos de Deza.

Traballou como director e guionista do grupo Deza Cinema Galego e participando nas películas O campo galego, Fiadeiras de Zobra, Consello do compadre, Loita, Lalín, Cantigas da emigración e Santuario do Faro, premiadas en numerosos festivais de cine aficionado como o de Vilagarcía de Arousa, Vigo e Lugo, e proxectándoas en centos de parroquias e vilas de Galicia entre 1976 e 1985. Dirixiu o xornal La Defensa de Lalín (1980) e colaborou, ademais, na redacción da Gran Enciclopedia Galega.

Recoñecementos[editar | editar a fonte]

En 2008 obtivo o "XV Premio Nacional de Periodismo Alvaro Cunqueiro"; en 2015 recibiu a distinción "Lalinense do Ano 2015. Traxectoria de toda unha vida" en recoñecemento ao seu labor como cronista da vila de Lalín e a prol do estudo e divulgación da historia e do patrimonio da comarca de Deza e ao ano seguinte e polo mesmo motivo recibiu a máxima distinción que outorga o Concello de Lalín, a "Folla de Carballo na modalidade de Ouro". Tamén en 2016 a Asociación Cultural A Carballeira de Cercio tributoulle un recoñecemento público polo seu labor de "toda unha vida" a prol da cultura galega e dezá en particular.

Obra en galego[editar | editar a fonte]

Ensaio[editar | editar a fonte]

  • A comarca do Deza, en colaboración con Armando Vázquez Crespo (1989 - 1997)
  • O aviador Loriga (1989)
  • W. Calvo Garra: Vida de un científico (1991).
  • Lalín. Comarca do Deza (1994).
  • Loriga: O home que baixou do ceo (1997).
  • Lalín, cen anos en fotos I (1999 ).
  • Lalín, cen anos en fotos II (2001).
  • 25 anos de corporacións democráticas no Concello de Lalín (2004).
  • Guía do Camiño de Santiago: O camiño de Inverno pola Comarca de Deza. (2006)
  • A Feira do Cocido, 40 anos de historia (2009).
  • Melchor Manuel Núñez de Taboada. O erudito lalinense que brillou na Francia revolucionaria (2021).
  • A Feira do Cocido. Festa de Interese Turístico Internacional (2022).

Artigos[editar | editar a fonte]

  • "Vidal Payo: Unha vida en pedra". Seminario de estudos de Deza (1996).
  • "O reloxeiro Evangelino Taboada". Descubrindo. Seminario de Estudos de Deza (1998).
  • "Manuel D. Varela Buxán: O patriarca do teatro galego". Seminario de estudos de Deza (2000).
  • "Arte rupestre no municipio de Silleda". Descubrindo. Seminario de Estudios de Deza (2013).
  • "Manuel González Ferradás, "O Naranxo”". Descubrindo. Seminario de Estudios de Deza (2021).

Obra en castelán[editar | editar a fonte]

Ensaio[editar | editar a fonte]

  • Hijos ilustres de Lalín: El aviador Loriga (1976).
  • Silleda, la tierra de Trasdeza en la Galicia Central (1978).

Véxase tamén[editar | editar a fonte]

Bibliografía[editar | editar a fonte]

  • Santorum, Gracia (2009). Fervenza, ed. Dicionario de escritores de Deza. A Estrada. pp. 47–48. ISBN 978-84-96368-00-2. 

Ligazóns externas[editar | editar a fonte]